Gandak News
Our News Your Views

मुम्बई लगातार पाँचौंपटक आइपीएल च्याम्पियन

  • 10
    Shares

एजेन्सी – इन्डियन प्रिमियर लिग – आईपीएल २०२० को उपाधि मुम्बई इन्डियन्सले जितेको छ । मंगलबार राती भएको फाइनल खेलमा साविक विजेता मुम्बईले दिल्ली क्यापिटल्सलाई ५ विकेटले हराएसँगै उपाधि रक्षा गर्नुका साथै कीर्तिमानी पाचौँपटक विजय हात पारेको हो ।

योसँगै आईपीएलको इतिहासमा उपाधि रक्षा गर्ने दोस्रो टोली मुम्बई इन्डियन्स बनेको छ। यसअघि चेन्नई सुपर किङ्सले मात्र यो सफलता हात पारेको थियो ।

दिल्लीले दिएको एक सय ५७ रनको लक्ष्य मुम्बईले ८ बल बाँकी छँदा ५ विकेट गुमाएर भेट्टायो। मुम्बईका कप्तान रोहित शर्माले सर्वाधिक ६८ रन जोडे। इसन किसनले ३३ र क्विन्टन डे कोकले २० रन बनाए। मुम्बईले ४५ रन जोड्दा पहिलो विकेट गुमाएको थियो। रोहितले दोस्रो विकेटका लागि सुर्य कुमार यादबसँग ४५ र तेस्रो विकेटका लागि किसनसँग ४७ रनको साझेदारी गरेका थिए।

मुम्बईपछि सर्वाधिक उपाधि जित्ने टोलीका रुपमा चेन्नई सुपर किङ्स रहेको छ। उसले तीनपटक उपाधि जितेको छ। चेन्नईले सन् २०१० र २०११ मा लगातार उपाधि जितेको थियो। मुम्बईले सन् २०१३, २०१५, २०१७, २०१९ र २०२० मा आईपीएलको उपाधि जितेको हो।

हालसम्म मुम्बई र चेन्नईबाहेक कोलकाता नाइट राइडर्सले दुई तथा सनराइजर्स हैदराबाद, डेक्कन चार्जस र राजस्थान रोयल्सले एक एकपटक उपाधि जितेका छन् ।

Pokhara Internet
प्रतिक्रिया
लोड हुँदै ...

छुटाउनुभयो कि ?

साताको ट्रेन्डिङ

पढ्न सिफारिस