शरीरमा लाग्ने विभिन्न रोगहरु मध्ये टाउको दुखाई पनि एक हो । व्यस्त जीवनशैलीसँगै, सामाजिक, आर्थिक अवस्थाका कारण मानिसको स्वास्थ्यमा परेको प्रतिकुल प्रभावले टाउको दुख्ने समस्या बढ्दै गएको छ । टाउको विभिन्न कारणले दुख्ने गर्दछ । कसैलाई हल्का, कसैलाई चर्को, कसैलाई आधा, र कसैलाई पुरै दुख्ने हुन्छ । टाउको दुख्नु आम समस्या जस्तै भएको छ ।

घाममा हिड्दा वा काम गर्दा र पानीको मात्रा कमी हुँदा साथै कहिलेकाही ज्वरो आउँदा तनावका कारण अत्याधिक औंषधी, आँखाको समस्या भएमा, उच्च रक्तचापका कारण पनि टाउको दुख्ने गर्छ । टाउको दुख्नु एउटा लक्षण हो , रोग होइन । टाउको दुखाइ विभिन्न कारणले हुने हुनाले आफुखुसी औंषधी खानु भन्दा पनि चिकित्सको परामर्श अनुसार खानु राम्रो हुन्छ ।

टाउको दुखाई कम गर्ने यस्ता छन् घरेलु उपायहरू :

प्रशस्त मात्रामा पानी पिउने

मानिसहरुमा धेरैजसो शारीरक समस्या तथा डरलाग्दा रोगहरुको कारण पानीको सेवन थोरै मात्रामा हुनु हो । त्यसैले यदि टाउको दुखिरहेको छ भने १ देखि २ गिलास पानी पिउनाले पनि टाउको दुखाई कम हुन्छ ।

ल्वाङ

ल्वाङमा दुखाई कम गर्ने तत्व पाइन्छ । त्यसैले ल्वांगलाई स–साना टुक्रा बनाउँने र ती टुक्रालाई सफा कपडामा बाँध्ने र केहिबेर सुघ्ने । यसो गर्नाले पनि टाउको दुखाई कम हुन्छ ।

गेडागुडी

हाम्रो शरीरमा ९म्याग्रेसियम० को मात्रा कमी भयो भने मस्तिष्कमा रगतको चाप कम हुने तथा रगतमा सुगरको मात्रा कम हुन्छ ,जसले गर्दा टाउको दुख्ने समस्या हुन्छ । त्यसैले गेडागुडीमा म्याग्रसियम खनिज पदार्थ धेरै मात्रामा पाइन्छ । जसले शरीरका माशंपेसीहरुलाई आराम प्रदान गर्दछ । साथै टाउको दुखाई पनि कम हुन्छ ।

अदुवा

अदुवाको रस र कागतीको रसलाई मिलाएर खानाले पनि टाउको दुखाई कम हुन्छ । साथै अदुवालाई पानीमा उमालेर खानाले पनि टाउको दुखाई कम गर्छ ।

जीरा

एक गिलास पानीमा एक चम्चा जीरा मिसाएर पिउनाले रक्तसञ्चार राम्रो हुन्छ र टाउको दुख्न कम हुन्छ ।

लसुन

५-७ वटा लसुनको पोटीलाई आधा गिलास पानी उमालेर पिउनाले तनाव हट्छ र टाउको दुख्नमा राहत मिल्छ ।

यसका साथै हिड्दा, बस्दा, उभिदा, सुत्दा जहिले पनि ढाड सिधा राख्ने र निहुराएर नबस्ने ।