Gandak News
Our News Your Views

बार्सिलोना महत्वपूर्ण जितसहित ला लिगाको दोस्रो स्थानमा, एथ्लेटिकोभन्दा एक अंकले मात्र पछि

उसमान डेम्बेलेले खेलको अन्तिम मिनेटमा गोल गर्दै बार्सिलोनालाई १० खेलाडीमा सिमित रियल भालाडोलिडमाथि महत्त्वपूर्ण जित दिलाएका छन् । खेलमा डेम्बेलेको एक मात्र गोल निर्णायक बन्यो ।

ला लिगामा लगातार छैटौँ जीतसँगै बार्सिलोना लिगको दोस्रो स्थानमा उक्लिएको छ । शीर्ष स्थानमा रहेको एथ्लेटिको म्याड्रिडभन्दा बार्सिलोना अब मात्र एक अंकले पछि रहेको छ ।

सोमबार राति भएको खेल बराबरीतर्फ अघि बढिरहेकोमा खेलको ७९ औँ मिनेटमा ओस्कार प्लानोले डेम्बेलेलाई फल हानेपछि रातो कार्ड पाएका थिए ।

भालाडोलिड १० खेलाडीमा सिमित बनेको फाइदा उठाउँदै डेम्बेलेले रोनाल्ड आराउजोको पासलाई गोलमा परिणत गरे ।

अब बार्सिलोनाले शनिबार एल क्लासिकोमा रियल म्याड्रिडको सामना गर्नेछ भने अर्को महिना एथ्लेटिको म्याड्रिडको आतिथ्य गर्नेछ ।

२९ खेलपछि शीर्ष स्थानमा रहेको एथ्लेटिकोको ६६, बार्सिलोनाको ६५ र रियल म्याड्रिडको ६३ अंक रहेको छ ।

Pokhara Internet
प्रतिक्रिया
लोड हुँदै ...

छुटाउनुभयो कि ?

साताको ट्रेन्डिङ

पढ्न सिफारिस