चिनियाँ भेरो सेल खोपको दोस्रो डोज आजदेखि लगाईंदै छ । तर भेरो सेलभन्दा एक महिना अगावै कोभिसिल्ड खोपको पहिलो डोज लगाएकाहरुले दोस्रो डोज कहिले पाउँछन् अझै यकिन छैन । समयमै दोस्रो डोज नलगाए के हुन्छ त ?
कोभिसिल्ड खोपको पहिलो डोज १८ लाख २३ हजारभन्दा बढीले लगाएका थिए । तीमध्ये ३ लाख ७२ हजारले दोस्रो डोज लगाइसकेका छन् । उनीहरुले पहिलो डोज लगाएको १२ हप्ताभित्र दोस्रो डोज पाएका हुन् । तर ६० वर्ष माथिका जेष्ठ नागरिक अन्य गरी १४ लाख ५१ हजार भन्दा बढीले दोस्रो डोज पाउन बाँकी छ । जेष्ठ नागरिकलाई फागुन २३ देखि पहिलो डोज दिइएको थियो । ८ देखि १२ हप्ताको मापदण्ड अनुसार उनीहरुलाई अबको तीन साताभित्र दोस्रो डोज दिइसक्नुपर्छ । तर सरकारसँग कोभिसिल्डको १ लाख डोज खोप मात्र बाँकी छ । थप खोप कहिले आउँछ स्वास्थ्य मन्त्रालयका अधिकारीसँग नै जवाफ छैन ।
विज्ञहरुका अनुसार पहिले संक्रमण भएकाहरुलाई खोपको पहिलो डोजले पनि काम गर्छ । तर पहिले संक्रमण नभएकाहरुमा भने पहिलो डोजले भाइरससँग जानपहिचान मात्र गराउँछ । दोस्रो डोज नलगाएसम्म ढुक्क हुँदैन । अर्थात पहिलो डोज मात्र लगाएकाहरुको तुलनामा दुवै डोज लगाउनेमा खोपको प्रभावकारिता बढी हुन्छ । १२ हप्ताभित्र दोस्रो डोज नपाएको अवस्थामा के हुन्छ भन्ने बारे भने अध्ययन भइसकेको छैन । अहिले पहिलो र दोस्रो दुवै डोज लगाएकाहरुमा पनि संक्रमण देखिरहेको छ । तर चिकित्सकका अनुसार एक डोज लगाउनेको तुलनामा दुवै डोज लगाउनेलाई सहज देखिएको छ ।
फागुन २३ देखि कोभिसिल्डको पहिलो डोज लगाएकाहरुको दोस्रो डोजबारे अन्योल रहँदा चैत २५ देखि भेरोसेलको पहिलो डोज लगाएका २ लाख ९० हजारलाई भने आइतबारदेखि दोस्रो डोज दिईंदैछ । – कान्तिपुर टिभीबाट
सम्बन्धित खबर
एसईईको तयारी पूरा
पोखरा -१५ ठूलीमजुवामा मोटरेबल पुलको शिलान्यास
सार्वजनिक जग्गा र खुल्ला चौरको सदुपयोग गर्न पोखरा १५ मा एकैदिन ६ व्यायामशालाको उद्घाटन
पोखरा–१४ को शिवालय मन्दिर पुनःनिर्माण, सांसद केसीले गरे उद्घाटन
पोखराको पृथ्वीचोकबाट जुवातास खेल्दै गरेका ७ जना झन्डै १ लाख नगदसहित पक्राउ
गण्डकीमा नयाँ सरकार बन्न सकस, एमाले-माओवादीमात्रै अपुग
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग