Gandak News
Our News Your Views
Promote your business here Gandaknews

मेस्सी, नेयमार र एमबाप्पे सम्मिलित पीएसजी बराबरीमा रोकियो

युईएफए च्याम्पियन्स लिग अन्तर्गत गए राति भएको समूह ‘ए’को खेलमा दावेदार मानिएको पीएसजीले क्लब ब्रुजसँग १-१ गोलको बराबरी खेल खेलेको छ।

बेल्जियन क्लब ब्रुजको घरेलु मैदानमा खेलिएको खेलमा फ्रेन्च टोली पीएसजीले यस सिजनमा पहिलो पटक आफ्ना प्रमुख खेलाडी मेस्सी, नेयमार र एमबाप्पेलाई सँगै मैदानमा उतारेको थियो। यद्यपि पीएसजी बराबरीमै रोकियो।

खेलको सुरुवाती १५औं मिनेटमा पाहुना टोली पीएसजीले अग्रता लिएको थियो। पीएसजीका लागि एमबाप्पेको पासमा मिडफिल्डर एन्डर हरेराले गोल गर्न सफल भएका थिए।

तर खेलको २७औं मिनेटमा घरेलु टोली खेलमा फर्कियो। ब्रुजका लागि हान्स भानाकेनले बराबरी गोल गर्न सफल हुँदा पहिलो हाफ १-१ गोलको बराबरीमा अन्त्य भएको थियो।

खेलमा पीएसजीभन्दा धेरै शट प्रहार गरेको ब्रुजले निकै प्रतिस्पर्धात्मक खेल प्रस्तुत गरेपनि निर्णायक गोल भने गर्न सकेन। उता पीएसजीले पनि बल पोसेसनमा राम्रो कब्जा जमाएपनि खासै राम्रो प्रदर्शन गर्न नसक्दा खेल बराबरीमा सकिएको हो।

Pokhara Internet
प्रतिक्रिया
लोड हुँदै ...

छुटाउनुभयो कि ?

साताको ट्रेन्डिङ

पढ्न सिफारिस