नेकपा एकीकृत समाजवादीका अध्यक्ष माधव कुमार नेपालले आफूहरू धेरै शक्तिशाली छौँ भन्ने दम्भ नराख्न गठबन्धनका नेता, कार्यकर्ताहरूलाई चेतावनी दिएका छन् ।
सत्ता गठबन्धनले आइतबार पोखरामा आयोजना गरेको चुनावी सभालाई सम्बोधन गर्दै अध्यक्ष नेपालले कहिलेकाहीँ अरुभन्दा धेरै शक्तिशाली छौँ भन्ने दम्भ कम्युनिस्ट र कांग्रेसमा हुने गरेकाले त्यस्तो दम्भ नराख्न चेतावनी दिएका हुन् ।
शक्तिशाली छौँ भन्ने दम्भ राखे एमाले अध्यक्ष केपी शर्मा ओलीको जस्तै विनाश हुने बताए । ‘कहिलेकाहीँ कम्युनिस्टमा दम्भ हुन्छ हामी शक्तिशाली छौँ भन्ने अनि कांग्रेसमा पनि दम्भ हुन्छ हामी धेरै शक्तिशाली छौँ,’ उनले भने, ‘यस्तै दम्भ राख्नुभयो भने तपाईंहरूको पनि विनाश हुन्छ, केपी ओलीकोजस्तै ।’
नेपालले गठबन्धन गरेर चुनावमा जाँदा सबै बलियो हुने बताए । ‘हिजो संसदीय चुनावमा १५६ सिटमा लडेको कांग्रेसले २३ सिटमा जित हासिल गरेको थियो,’ उनले भने, ‘१०१ सिटमा चुनाव लडेको एमालेले ८० सिट जितेको थियो । गठबन्धन हुँदा कति फाइदा हुने रहेछ, त्यसबाटै थाहा हुन्छ ।’
नेपालले घुमाउराे भाषामा कुनै दम्भ नपाली काँग्रेस र माअाेवादी कार्यकर्ताहरूले समाजवादीका उम्मेदवार जिताउन मत दिनुपर्नेमा जाेड दिँदै चेतावनी स्वरूप यी भनाइ राखेका हुन् ।
नेपालले ओलीले आफूबाहेक अरु कसैलाई पनि दुई कौडीको महत्त्व नदिने बताए । ‘ओली व्यक्तिवादी व्यक्ति हुन् । उनले आफूबाहेक अरु कसैलाई पनि दुई कौडीको महत्त्व दिँदैनन्,’ नेपालले भने, ‘अपमान गर्दै हिँड्छन् । कुसंस्कार बोकेर हिँडेका छन् ।’
उनले ओलीजस्तो कुसंस्कार बोकेका व्यक्तिले अगुवाइ गरेको पार्टी गतिलो नहुने बताए । ‘व्यक्तिवादी र अरुलाई होच्याउने, अपमान गर्ने र कुसंस्कार बोकेका व्यक्ति (ओली) ले अगुवाइ गरेको पार्टी गतिलो हुने कुरै छैन,’ उनले भने, ‘त्यस्तो दक्षिणपन्थी प्रतिगामी शक्तिविरुद्ध हामीले गठबन्धन कायम गरेर अत्यन्तै सही निर्णय लिएका छौँ ।’
सम्बन्धित खबर
बिप्लव पुत्रको बिहे जनवादीः इन्गेजमेन्ट पार्टी प्यालेसमा, रिसेप्सन होटलमा
नेपालबाट भैँसीको मासु लैजान चीन तयार
नेपाल-चीनबीच १३ बुँदे सम्झाैता र समझदारी पत्रमा हस्ताक्षर
मेयर बालेनको प्रश्न-‘संवादमा बोलाउँदा अभियन्ताहरू आएनन्, वार्ता उहाँका नेतासँग गर्नुपर्ने हो ?’
‘यो सरकारले सिन्को भाँचेन, जसरी पनि टिपेर मिल्काउनुपर्छ’ – ओली
एमालेले पार्टीका नाममा चलाइएका ‘फेक आइडी र पेज’ सञ्चालकलाई कारबाही गर्ने
यो पनि पढौँ
आँखामा राख्दा पनि नबिझाउने ‘बिनोद सर’ अब सम्झनामा
रेडियो देशान्तरमै झुण्डिए पत्रकार, कारण प्रेमिका
तनहुँको भिमादस्थित सेती नदी किनारमा मृत भेटिइन् पोखराकी रमा
क्यान्सर पीडित पत्नीको उपचार गर्न नसकेपछि सँगै देहत्याग, एकै चितामा अन्त्येष्टि