नेपालका लागि मोटरहेड ब्रान्डको बाइककाे आधिकारिक वितरक एसएलआर टेक्नो एन्ड ट्रेडले नजिकिँदै गरेकाे पर्वलाई लक्षित गर्दै ‘४ को चमत्कार, बाइक पनि बचत पनि’ अफर सार्वजनिक गरेको छ ।

आगामी कार्तिक १५ शनिबारसम्म लागु हुने गरी कम्पनीले यो अफर सार्वजनिक गरेको हो । यो अफर अन्तर्गत कम्पनीले मोटरहेड ब्रान्डका बाइक खरिद गर्ने ग्राहकहरुकालागि स्क्रयाच कार्ड मार्फत ७ हजार ९ सय देखि १ लाख रुपैयाँसम्म जित्न सकिने अफर ल्याएको छ । त्यस्तै, यो स्किम अन्तर्गत बम्परमा १ जना भाग्यशाली विजेताले १ लाख जित्न सक्नेछन् ।

कम्पनीका ग्राहकले जुनसुकै माध्यमबाट टेक्कन २५०को पूरानो मोडल खरिद गरेमा २५ हजार छुट पाउन सक्ने व्यवस्था रहेको छ ।

नेपाली बजारमा पछिल्लो समय मोटरहेडले टेक्कन २५०, टेक्कन आर२५० अपग्रेडेड, स्पोर्ट्स २५० रोड, स्पोर्ट्स २५० अफरोड, एमएच १५०, एमएच २००एक्स, एक्स–टर्क र स्क्र्याम्बलर गरी ८ मोडलका बाइकहरु बिक्री गर्दै आएको छ । यी बाइकको सुरुवाती मूल्य ३ लाख १० हजार देखि ४ लाख ९५ हजार रुपैयाँ राखेर बिक्री हुँदै आएको छ ।

पोखराको लागि विक्रेता ‘मल्टि स्टार मोटर्स’

मोटरहेडको पोखराका लागि आधिकारिक विक्रेता पर्स्याङमा रहेको मल्टिस्टार मोटर्स प्रालि हो । पोखरा र आसपासका युवाले मोटरसाइकल खरीदका लागि मल्टिस्टार मोटर्समा सम्पर्क गर्न सक्नेछन् । शोरुममा मोटरहेडको विभिन्न मोडलहरु उपलब्ध रहेको सञ्चालक इन्द्र गिरीले  जनाए ।

कम्पनीका अनुसार मोटरहेड बाइक नेपालका सबै भू–भागका लागि उपयुक्त मानिएको छ । मोटरहेड ब्रान्डको डर्ट, क्रसओभर र स्क्र्याम्ब्लर सेग्मेन्टका बाइकलाई बिक्रि गर्दै आएको छ।