बागलुङ । बाग्लुङको निसीखोला गाउँपालिका– ६ मा हिजो साँझ भएको बस दुर्घटनामा एक जना पत्रकारले पनि ज्यान गुमाएका छन् ।
मृत्यु हुनेमा रुकुमपूर्व सिस्ने गाउँपालिका वडा नं. ५ रुमालबाराका २५ वर्षीय विक्रम परियार रहेका छन् । परियार अन्नपूर्णपोष्ट दैनिकको रुकुम संवाददाताका रुपमा कार्यरत थिए । उनी नेपाल पत्रकार महासंघ रुकुम शाखाको सह–सचिवसमेत हुन् ।
परियारसहित दुर्घटनामा ज्यान गुमाउनेको संख्या ९ पुगेको छ । दुर्घटनामा २८ जना घाइते भएका छन् ।
पूर्वीरुकुमबाट काठमाडौँ जाँदै गरेको बागमती प्रदेश०१–००६ख३८७९ नम्बरको बस सोमबार साँझ बागलुङको निसीखोला गाउँपालिका–६ जाउलेपानीस्थित मध्यपहाडी लोकमार्गमा दुर्घटना भएको थियो।
यसैबीच नेपाल पत्रकार महासंघ गण्डकी प्रदेशका अध्यक्ष नारायण शर्माले पत्रकार परियारको निधनप्रति दुःख व्यक्त गर्दै परियारको निधनले आफू निकै मर्माहत स्तव्ध भएको उल्लेख गरेका छन् ।
उनले सामाजिक सञ्जालमा लेखेका छन्, ‘हिजो बेलुकी भएको बस दुर्घटनामा विक्रम परियारको निधनले स्तब्ध बनाएको छ । भाइ विक्रमको आत्माको चिरशान्तिको कामना गर्दै शोकाकुल परिवारमा गहिरो समवेदना व्यक्त गर्दछु ।’
सम्बन्धित खबर
पोखराको विजयपुर उकालोमा बाइकलाई कन्टेनरले ठक्कर दिँदा म्याग्दीका तिलिजाको मृत्यु
बागलुङमा जीप दुर्घटना हुँदा ३ जनाको मृत्यु
माछा मार्न गएका दुई युवकलाई राप्ती नदीले बगायो
गैंडाकोट दुर्घटना [अपडेट]: घाइते स्याङ्जाकी श्रीमायाको पनि मृत्यु
बसको ठक्करबाट ७ वर्षीय बालकको मृत्यु, स्याङ्जाकी श्रीमाया घाइते
पर्वत एम्बुलेन्स दुर्घटना [अपडेट]: घाइते महिलाको मृत्यु, आफन्तले आज शव बुझे
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग