बाजुरा । बाजुरामा आज बिहान गएको भूकम्पले गरेको क्षतिको विवरण आउन थालेको छ ।

भूकम्पका कारण बाजुरासहित कालिकोटका विभिन्न स्थानमा भौतिक क्षति भएको प्रारम्भिक तथ्याकं प्राप्त भएको छ ।

भूकम्पले बुढीनन्दा नगरपालिका वणडा नम्बर २ मा स्थानीय कल्पना बुढाको दुई तले घर पूर्ण रूपमा क्षति भएको छ । त्यस्तै सोही नागरपालिका ३ मा धनी बोहरा, साइमल रोकाया, घनश्याम बुढा, तिने चदारा, मान सिंह थापा भोटेको घरमा आंशिक क्षति भएको छ । यस्तै सोही ठाउँको कैलाश अतिथिगृहको भवनमा पनि क्षति भएको छ । सोही नगरपालिका– ४ मा स्थानीय जनक बोहरा, वडा नम्बर ९ पाण्डुसैनमा पदम सार्कीको घरमा पनि पूर्ण रूपमा क्षति भएको जिल्ला प्रहरी कार्यालय बाजुराले जनाएको छ ।

त्यस्तै भूकम्पले स्वामीकार्तिक खापर गाउँपालिका १ मा दशरथ विक, आनन्द विक, चम्फे विक, मन विकको घरमा क्षति भएको छ । प्रहरीका अनुसार बिहानदेखि भूकम्पबाट भएको क्षति विवरण संकलनका लागि ५५ जनाको टोली खटिएको छ । क्षतिको यकिन विवरण आउँन बाँकी रहेको प्रहरीले जानकारी दिएको छ ।

यसैगरी भूकम्पका कारण कालिकोटको रास्कोट नगरपालिका ३ मा स्थानीय डम्बर कुमाल, पाचायोगीको घरमा क्षति पुगेको जिल्ला प्रहरी कार्यालय कालिकोटले जनाएको छ । यस्तै सोही नगरपालिका ८ मा पुस्पराज न्यौपानेको घरमा पनि क्षति पुगेको प्रहरीले जानकारी दिएको छ ।

आज बिहान ४ः१४ मिनेटमा बाजुराको जगन्नाथ गाउँपालिका ५ गोत्री आसपास केन्द्रबिन्दु बनाएर ५.२ म्याग्नेच्युडको गएको भूकम्पले गरेको थियो ।