राष्ट्र बैंकको गभर्नर नियुक्ति, अतिरिक्त प्रहरी महानिरीक्षक (एआईजी) को बढुवा, सडकमा देखिएका विभिन्न समूहको आन्दोलन र सरकारको कार्यशैलीका विषयमा कांग्रेस नेताहरूबाट टीकाटिप्पणी हुन थालेपछि सत्ता गठबन्धनकै भविष्यमाथि संशय पैदा भएको छ ।

यसै विषयमा प्रधानमन्त्री केपी शर्मा ओली र कांग्रेस सभापति शेरबहादुर देउवाबीच मंगलबार बिहान लामो संवादसमेत भएको छ । सत्तारूढ दुई दलबीच असमझदारी देखिएकाले थप छलफल गर्न बुधबार संयन्त्रको बैठक बोलाइएको छ । गगन थापा राजधानी फर्किएपछि बस्नेछ ।

महामन्त्रीहरू थापासहिच विश्वप्रकाश शर्मा अहिले आफै सहभागी सरकारको विरोध गर्न थालेका छन् ।यद्यपी, सभापति देउवा भने चुपचाप छन् । सहमति अनुसार अब १५ महिनामा उनी प्रधानमन्त्री बन्नेछन् ।

नेपाली कांग्रेस नेता एवम् गृहमन्त्री रमेश लेखकले सरकार परिवर्तनको कुनै सम्भावना नभएको समीकरण तलमाथि नहुने बताएका छन् ।  सरकार बदलिहाल्छ भनेर जो लाग्नुभएको छ, त्यो गर्न आवश्यक छैन  भन्दै उनले भने – ‘हामी भाइब्रेन्ट प्रजातान्त्रिक अभ्यासमा छौं । यसमा विभिन्न कोणबाट विभिन्न कुरा उठ्छन् । त्यसैलाई आधार बनाएर सरकार ढल्छ भन्ने होइन । समीकरण र सरकारमा अहिले कुनै प्रतिकूलता उत्पन्न भएको छैन ।’