पोखरा । पोखरा महानगरपालिका– ८ सिमलचौरबाट लागू औषधसहित ४ जना पक्राउ परेका छन् ।

पक्राउ पर्नेमा स्याङ्जा पुतलीबजार नगरपालिका– ५ घर भई हाल कास्की, पोखरा– ७ रत्नचोक बस्ने २८ वर्षीय मनोज रेग्मी र २३ वर्षीय रोज कुँवर तथा पोखरा– १७ घारिपाटन बस्ने २८ वर्षीय राज बहादुर पौडेल र २८ वर्षीय राजेश बहादुर पौडेल छन् ।

उनीहरुलाई प्रहरी कार्यालय कास्की र लागू औषध नियन्त्रण व्युरो शाखा कार्यालय पोखराबाट खटिएको प्रहरी टोलिले मंगलबार साँझ ६ बजे पक्राउ गरेको हो ।

प्रहरीले सिमलचौर स्थित प्रतिभामार्गमा सवारी साधन चेकजाँच गर्दा ग १७ प ७२३४ नम्बरको र ग १४ प ३३५९ नम्बरको मोटरसाइकलमा सवार उनीहरुको साथमा लागूऔषध फेला पारेको थियो ।

प्रहरीका अनुसार उनीहरुको साथबाट लागूऔषध Tapentadol Tablets(10)mg लेखिएको १०५० ट्याब्लेट र मोबाईल २ थानसमेत बरामद गरिएको छ।

उनीहरुलाई कास्की जिल्ला अदालतबाट लागू औषध सम्बन्धी मुद्दामा ६ दिन म्याद थप गरी अनुसन्धान प्रकृया अगाडी बढाईएको प्रहरीले जनाएको छ।