सञ्चार तथा सूचना प्रविधि मन्त्री पृथ्वी सुब्बा गुरुङको ललितपुरस्थित घरमा प्रदर्शनकारीले आगजनी गरेका छन् ।

सुनाकोठीमा रहेको गुरुङको निवासमा पुगेका आन्दोलनकारीले ढुंगामुढा गरेर आगो झोसेको एक प्रहरी अधिकारीले जानकारी दिए ।

ललितपुरका प्रहरी प्रमुख एसएसपी श्याम अधिकारीले गुरुङको घरमा लागेको आगो तत्काल नियन्त्रणको प्रयास भएको जानकारी दिए । ललितपुरको सुनाकोठीस्थित गुरुङको निवासमा आगजनी भएको हो ।

सुरुमा प्रदर्शनकारीहरूले ढुंगामुढा गरेका थिए । आक्रोशित उक्त भिडले मन्त्री गुरुङको घरमा आगजनी गरेका हुन् ।

प्रदर्शनकारीहरुले लगाएको आगो नियन्त्रणमा आइसकेको प्रहरीले जनाएको छ ।

त्यस्तै, अन्य नेता तथा मन्त्रीहरु माथि पनि सामाजिक सञ्जालमा आक्रोश बढेको छ। काठमाडौं लगाय अन्य जिल्लामा पनि नेताका घरहरु टार्गेट रहेका छन्।

प्रहरीले उनीहरुको घरमा सुरक्षाका लागि ब्याक फोर्स पठाएको छ।