लामो समय नेकपा एमालेको राजनीति गरेर हालै मात्र नयाँ दलमा प्रवेश गरेका नेता भीम रावल भाषणका क्रममा झुक्किएका छन्।
आइतबार कास्कीको पोखरामा आयोजित नेपाली कम्युनिस्ट पार्टी (नेकपा) को एकता सन्देशसभालाई सम्बोधन गर्ने क्रममा नेता रावलको जिब्रो लर्बराएको हो।
उनले आफ्नो वर्तमान पार्टीको साटो भुलवश पुरानै पार्टी ‘नेकपा (एमाले)’ को नाम उच्चारण गर्दै एमालेकै बहुमत आउने दाबी गरे।
पोखराको मानवअधिकार चोकमा आयोजित सभामा बोल्दै रावलले भने, ‘मलाई पूर्ण विश्वास छ, आउने निर्वाचनमा नेकपा (एमाले) को बहुमतलाई, नेकपा (एमाले) को यात्रालाई कसैले रोक्न सक्ने, छेक्न सक्ने छैन।’
उनले यति भनिसक्दा सभामा उपस्थित सहभागीहरूले ताली बजाएका थिए। तर, लगत्तै आफ्नो त्रुटि महसुस गर्दै उनले बोली सच्याए। उनले तत्कालै सच्याउँदै भने, ‘नेपाली कम्युनिस्ट पार्टीलाई कसैले रोक्न सक्ने, छेक्न सक्ने छैन।’
एमालेबाट कारबाहीमा परे पछि लामो समय निष्क्रिय रहेका उनी गत कात्तिक २६ गते मात्रै नयाँ गठन भएको ‘नेपाली कम्युनिस्ट पार्टी’ मा प्रवेश गरेका हुन्।
त्यसअघि उनले पोखराको चिप्लेढुंगामा धेरै वर्षपछि उपस्थित हुन पाएकोमा खुसी व्यक्त गर्दै धनगढी र लमहीमा जस्तै पोखरामा पनि विशाल जनसभा देखेको बताएका थिए।
उनले समृद्ध नेपाल निर्माणको दिशामा आफ्नो पार्टीले दृढतापूर्वक नेतृत्व गर्ने दाबी समेत गरे।
This will close in 4 seconds
सम्बन्धित खबर
सरकारबारे मनिष झाको टिप्पणी- शंका नभएपनि ढंग पुगेन, अब कालो चस्मा पनि हटाउनुपर्छ
रास्वपाकै सांसद प्रसाईंको प्रश्न: केले रोक्यो दुई तिहाइको सरकारलाई ?
कांग्रेस संस्थापन इतर समूहको राष्ट्रिय भेलालाई देउवाले सम्बोधन गर्ने
देउवा स्वदेश फर्कँदा पक्राउ परे कांग्रेसले प्रतिवाद गर्छ: शशांक कोइराला
ग्यास अनावश्यक सञ्चय नगर्न मन्त्री गौरी कुमारीको आग्रह
करदाता प्रोत्साहन उपहार कार्यक्रम सुरु, २५० को सामान किनेका उपभोक्तालाई १० लाखको बम्पर उपहार
यो पनि पढौँ
मर्दी हिमाल पदयात्रामा गएका पोखराका तीन युवक बादलडाँडा क्षेत्रबाट सम्पर्कविहीन
दुई किशोरीलाई गेस्ट हाउसमा लगेर सामूहिक बलात्कार गरेको आरोपमा दुई जना पक्राउ
बसले ठक्कर दिँदा सुनकोशीमा खसेकाे कारभित्र ४ यात्रु रहेको खुल्यो
गण्डकीका प्रदेश प्रमुख भट्टले गरे गाँजा विधेयक प्रमाणीकरण