नेकपा एमालेका सांसद राजेन्द्रकुमार राईले पूर्वप्रधानमन्त्रीसमेत रहेका पार्टी अध्यक्ष केपी शर्मा ओलीलाई रिहा गर्नुपर्ने माग गरेका छन्।
आज सिंहदरबारमा प्रधानमन्त्री बालेन शाहसँग कोशीका सांसदहरूको छलफलका क्रममा बोल्दै राईले ओलीलाई रिहा गर्नुपर्ने बताएका हुन्।
‘पूर्वप्रधानमन्त्री तथा हाम्रो पार्टीका अध्यक्ष केपी शर्मा ओलीलाई प्रहरीले पक्राउ गरेको छ, उहाँलाई तत्काल रिहा गर्नुपर्यो,’ धनकुटाबाट प्रतिनिधि सभा सदस्य निर्वाचित भएका राईको भनाइ थियो।
जेनजी आन्दोलनका क्रममा ओली प्रधानमन्त्री थिए। गौरीबहादुर कार्की नेतृत्वको जाँचबुझ आयोगले ओली र पूर्वगृहमन्त्री रमेश लेखकलाई कारबाही सिफारिस गरेको थियो।
साथै राईले स्वकीय सचिव राख्न पाउनुपर्ने बताएका थिए। ‘सांसदहरूले स्वकीय सचिव राख्न पाउने व्यवस्था गर्नुपर्यो,’ उनले भने।
सुशीला कार्की नेतृत्वको सरकारले सांसदहरूको स्वकीय सचिव राख्ने व्यवस्था हटाएको थियो।
सांसद राईले राखेका यी दुई विषयमा प्रधानमन्त्री शाहले जबाफ दिएनन्। सुनिरहे ।
छलफलमा के-के उठ्यो?
ओलीको रिहाइ: सांसद राईले अध्यक्ष केपी शर्मा ओलीलाई ‘प्रतिशोध साँधेर पक्राउ गरिएको’ भन्दै तत्काल रिहा गर्न माग गरे।
स्वकीय सचिवको मुद्दा: सांसदहरूले स्वकीय सचिव राख्न नपाउने सरकारको निर्णयप्रति राईले कडा असन्तुष्टि पोखे। “राम्रो काम गर्नै पनि भन्ने, अनि एउटा स्वकीय सचिव पनि राख्न नपाउने हुन्छ?” भन्दै उनले प्रश्न गरे।
समानुपातिक सांसदको अपमान: समानुपातिक प्रणालीबाट आएका सांसदहरूलाई प्रधानमन्त्री कार्यालयको गेटबाटै फर्काइएको भन्दै सांसद पार्वती विश्वकर्माले गम्भीर आपत्ति जनाएकी छिन्। उनले यसलाई “जनप्रतिनिधिमाथिको अपमान” भनेकी छिन्।
किन बोल्न चाहेनन् प्रधानमन्त्री?
सांसदहरूको गुनासो र मागप्रति प्रधानमन्त्री बालेनले कुनै जवाफ नदिनुलाई धेरैले राजनीतिक रूपमा अर्थपूर्ण रूपमा हेरेका छन्। कतिपयले यसलाई उनको ‘एक्सन ओरिएन्टेड’ कार्यशैली भन्छन् भने कतिपयले यसलाई ‘सांसदहरूप्रतिको बेवास्ता’ को रूपमा लिएका छन्।
सम्बन्धित खबर
मन्त्रालय घटाउने सरकारको निर्णय, कुन मन्त्रालय कहाँ गाभिए?
‘प्रधानमन्त्रीले सदन छल्नु अन्तर्राष्ट्रिय अभ्यासविपरीत’
रास्वपाको महाधिवेशन असार ७ देखि ९ गतेसम्म चितवनमा गर्ने निर्णय
अर्घाखाँचीमा बस दुर्घटना हुँदा ४ जनाको मृत्यु, २७ जना घाइते
सीमा बचाउन नसक्ने सरकारले सेनाको दुरुपयोग गरेर गरीव जनतामा आतंक मच्चायो: हर्क साम्पाङ
संसद् बैठकमा प्रधानमन्त्री अनुपस्थित
यो पनि पढौँ
प्रतिभाका पाँच विद्यार्थीले ल्याए उच्चतम् ४ जीपीए
शान्ति निकेतनका तीन विद्यार्थीको ४ जीपीए
मन्त्रालय घटाउने सरकारको निर्णय, कुन मन्त्रालय कहाँ गाभिए?
पोखरा विमानस्थल भ्रष्टाचार प्रकरणमा पूर्वमन्त्री कार्कीसहित १४ जनाविरुद्ध मुद्दा दायर