काठमाडौँ — सर्वोच्च अदालतको प्रधानन्यायाधीश सिफारिसमा विगतको परम्परा तोडिएको छ ।

संवैधानिक परिषद्‌ले वरिष्ठतम् न्यायाधीशलाई प्रधानन्यायाधीश सिफारिस गर्ने गरेको थियो । तर वालेन्द्र शाह नेतृत्वमा बसेको संवैधानिक परिषद्‌ले सर्वोच्च अदालतको चौथो वरीयतामा रहेका मनोजकुमार शर्मालाई प्रधानन्यायाधीश सिफारिस गरेको हो ।

शर्माभन्दा माथि सपना प्रधान मल्ल, कुमार रेग्मी र हरिप्रसाद फुयाँल थिए । यसअघि एक पटक स‌ंसदीय सुनुवाइ समितिले दिपकराज जोशीको नाम अस्वीकृत गरेको थियो । उनी संवैधानिक परिषद्‌बाट भने सिफारिस भएका थिए ।

तत्कालीन प्रधानन्यायाधीश प्रकाशमान सिंह राउतले अवकाश पाएपछि वरिष्ठताका आधारमा सपना प्रधान मल्लले कामु प्रधानन्यायाधीशको रुपमा सर्वोच्चको नेतृत्व गर्दै आएकी छिन् ।

२००८ सालमा प्रधान न्यायालयबाट सुरु भएको अदालती अभ्यास २०८३ सम्म आइपु्ग्दा ३३ औं नेतृत्व पाउन लागेको हो ।

परिषद्को सिफारिसपछि संसदीय सुनुवाइ समितिले सुनुवाइ गर्नेछ । समितिले सुनुवाइबाट अनुमोदन गरेपछि राष्ट्रपतिले प्रधानन्यायाधीशको रुपमा नियुक्त गर्नेछन् । सुनुवाइका लागि केही समय लाग्ने छ ।