नयाँ व्यवस्था

रातो नम्बर प्लेट भएका मोटरसाइकलले राइड सेयरिङ गर्न नपाउने, अब कालो नम्बर प्लेट

वार्षिक कर पनि तोकियो, प्रत्येक राइडमा ५ प्रतिशत कर

गण्डक न्यूज शनिबार, १६ जेठ २०८३

१६ जेठ २०८३

काठमाडौँ । सरकारले ल्याएको नयाँ आर्थिक ऐन अनुसार रातो नम्बर प्लेट भएका निजी मोटरसाइकल वा स्कुटरले अब राइड सेयरिङ गर्न पाउने छैनन्। अब राइड सेयरिङ सेवा दिनका लागि आफ्नो दुईपाङ्ग्रे सवारी साधनलाई भाडाको सवारीका रूपमा दर्ता गरी कालो नम्बर प्लेट लिनुपर्ने व्यवस्था गरिएको छ।

राइड सेयरिङलाई व्यवस्थित र कानुनी दायरामा ल्याउन सरकारले निम्न नयाँ व्यवस्थाहरू गरेको छ:

कालो नम्बर प्लेट अनिवार्य: सवारी तथा यातायात व्यवस्था ऐन अनुसार भाडामा यात्रु बोक्नका लागि कालो नम्बर प्लेट अनिवार्य गरिएको हो।
वार्षिक कर तथा राजश्व: कालो नम्बर प्लेटमा दर्ता भएका दुईपाङ्ग्रे सवारी साधनले वार्षिक आयकर तिर्नुपर्ने हुन्छ, जुन हाल रु. ३ हजार तोकिएको छ।
कारोबारमा कर: राइड सेयरिङ एपमार्फत हुने प्रत्येक कारोबारमा ५% कर लाग्ने व्यवस्था समेत गरिएको छ।
कम्पनी दर्ता: पठाओ, इनड्राइभर वा यस्तै एपमार्फत सेवा दिने राइड सेयरिङ कम्पनीहरू समेत प्रदेश सरकारअन्तर्गत अनिवार्य रूपमा दर्ता हुनुपर्ने नियम छ।

हालसम्म रातो नम्बर प्लेट भएका मोटरसाइकल तथा स्कुटरले नै राइड सेयरिङ सेवा दिइरहेका छन् ।

पछिल्ला नीतिगत निर्णयहरू र सवारी साधनसम्बन्धी अपडेटका लागि यातायात व्यवस्था विभाग (Department of Transport Management) को वेबसाइट हेर्न सक्नुहुनेछ।

गण्डकी प्रदेशको अग्रणी अनलाइन गण्डक न्यूज विभिन्न प्लाटफर्ममा उपलब्ध छन्। सामाजिक सञ्जालहरूमा हाम्रो च्यानल सब्स्क्राइब गर्न यहाँ क्लिक गर्नुहोस्। जहाँ तपाईँ फेसबुक, ट्विटर, इन्स्टाग्राम, यूट्युब लगायतमा पनि हाम्रा सामाग्री हेर्न सक्नुहुन्छ। नयाँ खबर थाहा पाउनका लागि गण्डक न्यूज र हाम्रो अर्को आधिकारिक वेबसाइट गण्डकी न्यूज भिजिट गर्दै गर्नुहोला। साथै, माथि समाचार पढेपछि तपाईँको प्रतिक्रिया के छ? व्यक्त गर्नुहोला।