१२ को परीक्षाफल प्रकाशनमा त्रुटि भएको भन्दै विद्यार्थीहरूले बिहीबार काठमाडाैंमा प्रदर्शन गरेका थिए । मन्त्री पोखरेलले प्रदर्शन गर्न पाउने अधिकारको विषय भए पनि विद्यार्थीहरू नकारात्मक तथा असम्मानजनक टिप्पणी नगर्न पनि आग्रह गरेका छन् ।

साथै उनले शिक्षा तथा खेलकुद मन्त्रालयका उपसचिव र पाठ्यक्रम विकास केन्द्रका उपसचिवको समेत प्रतिनिधित्व रहने गरी उत्तरपुस्तिकाको स्याम्पलिङ परीक्षण तथा परीक्षाङ्क तथा डेटा इन्ट्रीको तथ्यांकबारे थप बुझ्न समिति गठन गरिएको जानकारी पनि दिएका छन् ।

उनको भनाइ :

राष्ट्रिय परीक्षा बोर्डको नतिजा प्रक्रियाबारे मेरो धारणा मैले यसअघि पनि सार्वजनिक गरिसकेको छु। यस प्रक्रियाप्रति हामी स्पष्ट र विश्वस्त छौँ । नतिजा समयमै प्रकाशन गर्न कुनै हतार गरिएको होइन, बरु आवश्यक जनशक्ति थप गरी र अनावश्यक प्रशासनिक प्रक्रियाहरू छोट्याई नतिजा प्रकाशित हुनुपर्ने समयमा नै प्रकाशित गरिएको हो ।

तथापि, यस विषयमा शान्तिपूर्ण रूपमा आफ्नो धारणा राख्दै गरिएको आन्दोलनप्रति हामी सम्मान व्यक्त गर्दछौँ। लोकतान्त्रिक समाजमा आफ्ना आवाज उठाउने अधिकारको सम्मान गरिनुपर्छ ।