काठमाडौँ । नेकपा (एमाले) का अध्यक्ष केपी ओलीले रास्वपाका वरिष्ठ नेता बालेन शाह नेतृत्वको सरकार आफै ढल्ने दाबी गरेका छन् ।
पार्टी मुख्यालय च्यासलमा आयोजित कार्यक्रममा बोल्दै सरकार ढाल्ने तत्त्वहरूले त्यहीँभित्र रहेको बताए ।
उनले भने, ‘अहिलेको सरकार कसैले नढालेपछि ढाल्ने तत्त्वहरू त्यहाँ पुगेका हुन्छन्, ढल्छ, जान्छ । यो चटकको भरमा आएको, चटककै भरमा जान्छ । तर त्यो पर्खिएर बस्यौँ भने त्यसले देश बर्बाद पारिसकेको हुन्छ । लोकतन्त्र बर्बाद गरिसक्छ। त्यसैले परिवर्तन पर्खिने चिज होइन ।’
पार्टीभित्र र बाहिरबाट उठ्ने आलोचनाप्रति प्रतिक्रिया दिँदै ओलीले आफू ५७ वर्षदेखि जेल, संघर्ष र राजनीतिक यात्रामार्फत पार्टी निर्माणमा निरन्तर लागेको उल्लेख गरे। पार्टीको नेतृत्वमा रहेकाले सफलता र असफलता दुवैको जिम्मेवारी आफूले लिने स्पष्ट पार्दै उनले पार्टी सफल हुँदा सबैले श्रेय लिने तर चुनौती वा विरोध बढ्दा सबै दोष अध्यक्षमाथि मात्र थोपर्ने प्रवृत्ति उचित नभएको बताए।
अध्यक्ष ओलीले लोकतन्त्रविरोधी र देशविरोधी गतिविधि बढाउन खोजिएको आरोप लगाउँदै समाजमा फैलाइएका भ्रम र अन्योल चिर्न पार्टीका नेता तथा कार्यकर्तालाई सक्रिय रूपमा जनतामाझ जान निर्देशन दिए।
सम्बन्धित खबर
‘चटकको भरमा आएको वर्तमान चटककै भरमा जान्छ’
यस्तो छ सरकारको १०० दिनको उपलब्धि [पूर्णपाठ]
पोखराका तीर्थ श्रेष्ठ पशुपति क्षेत्र विकास कोषको सदस्य सचिवमा नियुक्त
विष्णु पौडेललाई रिहा गर्न सर्वोच्चद्वारा अस्वीकार, बन्दीप्रत्यक्षीकरण रिट खारेज
सरकारले भन्यो- ‘सरकारी कागजात ‘क्याम स्क्यानर’ जस्ता मोबाइल एपबाट स्क्यान नगर्नू
प्रधानमन्त्री बालेन र अर्थमन्त्री स्वर्णिमको दुई तिहाई सरकारले पनि आश्वस्त पार्न नसकेको शेयर बजार
यो पनि पढौँ
पाेखराकाे शैक्षिक क्षेत्रमा नयाँ आयाम थप्दै ‘प्रतिभा बिजनेस स्कुल’ स्थापना, बीआइटी कोर्स सञ्चालन
समूह विजेता अर्जेन्टिना, अपराजित रहँदै नकआउटमा
उच्च वृद्धिको लामो समयपछि पेट्राेल, डिजेल र ग्यासकाे मूल्य घट्याे
पिआर लिएका ४ कर्मचारीलाई सरकारी सेवाबाट ‘अयोग्य’ ठहरिने गरी बर्खास्त गर्ने तयारी