काठमाडौँमा आज आयोजित जेनजी सहिद स्मृति दिवस कार्यक्रममा पुगेका जेनजी आन्दोलनका घाइते नै पक्राउ परेका छन्। पक्राउ पर्नेमा पवन खड्का रहेका छन्।

उनलाई कार्यक्रमस्थलबाट प्रहरीले नियन्त्रणमा लिएको हो। कार्यक्रममा गृहमन्त्रीसहित आधा दर्जन बढी मन्त्रीहरु सहभागी थिए ।

जेनजी आन्दोलनका क्रममा जलाइएको पुरानो संसद् भवनमा आयोजितकार्यक्रमका दौरान एक जेन्जी शहिदकी आमाले आफूहरूले न्याय नपाएको भन्दै आक्रोश पोखेकी थिइन् । केही भोलेन्टियरहरू आएर उनलाई चुप लाग्न भनेका थिए ।

त्यसपछि ती युवकले महिलालाई साथ दिँदै उनले बोल्न पाउनुपर्ने बताए । युवकले पनि गृहमन्त्रीको आलोचना गर्न थालेपछि प्रहरीले उनलाई नियन्त्रणमा लिएको हो । उनलाई भ्यानमा राखेर लगिएको थियो । ती युवकले आफू जेन्जी आन्दोलनको घाइते भएको गोली लागेको बताएका छन् ।

जेनजीहरूको पक्षमा बोलिरहँदा सहभागीहरूले नै हुटिङ गरेपछि खड्काले बोल्न दिनुपर्ने दलील गरेका थिए।

उनलाई जेनजीको एउटा समूहले दुर्व्यवहार गरेपछि प्रहरीले उल्टै खड्कालाई नियन्त्रणमा लिएको हो।