काठमाडौँ : गत भदौ १० गतेको रसुवा बाढीबाट आज साँझसम्म मृत्य हुनेको संख्या १ हजार ४१० जना पुगेका छन्।

विपद प्राधिकरणका अनुसार ६ हजार १४५ जना वेपत्ता भएका छन्। वेपत्ताहरूको खोजी जारी रहेको जनाइएको छ।

केन्द्रीय प्रहरी प्रवक्ता एवं प्रहरी नायब महानिरीक्षक अबिनारायण काफ्लेका अनुसार २७२ विदेशी पुरुष र ३२८ विदेशी महिला वेपत्ता छन् ।

बाढीमा परेर घाइते भएका ९ हजार २८७ जनाको उद्धार गरिएको प्रवक्ता काफ्लेले जानकारी दिए । उनका अनुसार फेला परेका शवको पहिचानका लागि ‘डीएनए’ नमुना संकलनलगायत आवश्यक प्रक्रिया पूरा गरी हालसम्म १ हजार २३० शव व्यवस्थापन गरिएको छ ।

‘फेला परेका शवको पहिचानका लागि डीएनए नमुना संकलनलगायत आवश्यक प्रक्रिया पूरा गरी हालसम्म १ हजार २३० शव व्यवस्थापन गरिएको छ । पहिचान प्रक्रिया पूरा नभएका शवलाई सुरक्षित रूपमा माटोमुनि राखिएको छ’, प्रवक्ता काफ्लेले भने ।

प्रहरीका अनुसार शव पहिचानका लागि मृतकका शवबाट १ हजार २८६ र बेपत्ता व्यक्तिका आफन्तबाट १ हजार ८८९ डीएनए नमुना संकलन गरिएको छ ।

बाढीप्रभावित क्षेत्रमा उद्धार, खोजी, राहत वितरण तथा शव व्यवस्थापनलगायतका कार्यका लागि हालसम्म ७ हजार ९७५ जना प्रहरी कर्मचारी परिचालन गरिएको प्रवक्ता काफ्लेले बताए ।

यसैगरी, विभिन्न जिल्लामा स्थापना गरिएका होल्डिङ सेन्टरमा हाल ३ हजार ४४० जना रहेको प्रहरीले जनाएको छ ।