पोखरा। मृगौला पीडित पासाङ लिम्बु शेर्पालाई आर्थिक सहयोग हस्तान्तरण गरिएको छ ।

इलाम जिल्ला स्थायी घर भई हाल पोखरा महानगरपालिका ६ बस्दै आएका शेर्पाको उपचारका लागि संकलित १ लाख १० हजार रुपैयाँ बिहीबार पोखरा महानगरपालिकाका उपप्रमुख मञ्जुदेवी गुरुङ मार्फत पीडितलाई हस्तान्तरण गरिएको हो ।

सुवेदार कर्णबहादुर गुरुङले मृगौला पीडित शेर्पाको सहयोगका लागि स्वदेश र विदेशमा रहेका सहयोगीहरुबाट संकलित रकममा पोखरा महानगरपालिकाबाट दश हजार थप गरी रकम हस्तान्तरण गरिएको हो । कर्णबहादुरले सहयोगका लागि निवेदन दिएका थिए।

“उपचारको लागि बेलायत, पोखरा लगायतका व्यक्ति र संस्थाबाट संकलन गरेको र महानगरबाट पनि थप सहयोगका लागि निवेदन दिएको थिए । यहाँबाट दश हजार प्राप्त भयो, सबै गरेर १ लाख १० हजार उपप्रमुख मार्फत हस्तान्तरण गरियो” कर्णबहादुरले भने।

उनको निवेदन अनुसार महानगरले विपन्नलाई प्रमुख र उपप्रमुखले दश हजार सम्म सहयोग गर्न पाउने व्यवस्था अनुसार उपप्रमुख मञ्जुदेवी गुरुङले दश हजार थप गरि एकमुष्ठ रकम हस्तान्तरण गरिएको हो । पीडित शेर्पाका श्रीमान र एक छोरी रहेका छन् । शेर्पा विगत तीन वर्षदेखि मृगौला पीडित रोगको उपचार गराइउदै आएकी छन् ।

सहयोग रकम प्राप्त गरेपछि शेर्पाले आफनो उपचारका लागि सहयोग संकलन गर्ने बुबा कर्णबाहदुर गुरुङ र सहयोग गर्ने सम्पूर्णलाई धन्यवाद ब्यक्त गरे। “यो सहयोगले मेरो उपचारमा राहत पुग्ने छ” भने ।

पोखरा महानगरका उपप्रमुख मञ्जुदेवी गुरुङले मृगौला पीडित शेर्पाको स्वास्थ्य लाभको कामना गर्दै सहयोग संकलन गर्ने कर्णबहादुरप्रति धन्यवाद ब्यक्त गरे।