काठमाडौँ । अहिले सत्तारूढ गठबन्धनका दलहरूको बैठक प्रधानमन्त्री निवास बालुवाटारमा बसेको छ।
आगामी आर्थिक वर्षको नीति तथा कार्यक्रम, शिक्षक आन्दोलन, चिकित्सक आन्दोलनलगायतका राष्ट्रिय राजनीतिका विषयमा सत्तारूढ दलहरू छलफलमा बसेको प्रधानमन्त्री केपी शर्मा ओलीको सचिवालयले जनाएको छ।
प्रधानमन्त्रीको सचिवालय अनुसार बैठकमा एमालेबाट प्रधानमन्त्री ओलीसहित वरिष्ठ उपाध्यक्ष ईश्वर पोखरेल महासचिव शंकर पोखरेल, उपमहासचिव द्वय प्रदीपकुमार ज्ञवाली र विष्णुप्रसाद रिमाल सहभागी छन्।
यस्तै नेपाली कांग्रेसका तर्फबाट सभापति शेरबहादुर देउवा, उपसभापति पूर्णबहादुर खड्का, परराष्ट्र मन्त्री डा. आरजु राणा देउवा सहभागी छन्। महामन्त्री गगनकुमार थापा भने सहभागी छैनन्।
यस्तै बैठकमा लोकतान्त्रिक समाजवादी पार्टी नेपालका अध्यक्ष महन्थ ठाकुर, जनता समाजवादी पार्टीका अध्यक्ष अशोककुमार राईलगायत सहभागी छन् । जसपा नेपाल, जनमत र नागरिक उन्मुक्तिबाट भने कोही आएका छैनन्।
यसअघिका गठबन्धनको बैठकमा जसपा नेपालका अध्यक्ष उपेन्द्र यादव, जसपाका अध्यक्ष डा. सिके राउत र नाउपाकी अध्यक्ष रञ्जिता श्रेष्ठ पनि सहभागी हुँदै आएका थिए।
जनमत र नाउपाबीच पार्टी एकता घोषणा कार्यक्रम भएकाले ती दलका नेताहरू भने बैठकमा सहभागी छैनन्।
सम्बन्धित खबर
सुकुम्बासी बस्तीमा डोजर चल्दै, बस्ती खाली गर्न प्रहरीको माइकिङ
उद्योगी शेखर गोल्छा पक्राउ
सामाजिक सञ्जाल नेपालमा दर्ता नहुँदा साइबर अपराध रोक्न कठिन भयोः आइजीपी कार्की
२४ भदौको घटनाको छानबिन गर्न न्यायीक आयोग बनाउनुपर्ने काँग्रेसको अडान
सुदनले साधारण सदस्य समेत नरहने गरी पार्टी छाडे
अमृत झा रिहाइ भएको भन्दै परराष्ट्रमन्त्री खनालले गराएको जानकारी झुटो
यो पनि पढौँ
सुदनले साधारण सदस्य समेत नरहने गरी पार्टी छाडे
शेखरले गगनलाई स्वीकार्दै , शशांक र धनराजसहितले छोडे देउवा समूह
यी सहकारीमा ऋण तिर्नुछ ? १५ दिनभित्र नतिरे सम्पत्ति लिलाम हुने (सहकारीको सूचीसहित)
भारत नरकको ढोका हो: अमेरिकी राष्ट्रपति ट्रम्प