काठमाडौँ । यतिवेला नेपाली काँग्रेस र नेकपा एमालेको गठबन्धन छ र प्रधानमन्त्रीमा एमाले अध्यक्ष केपी शर्मा ओली छन् । आलोपालो प्रधानमन्त्री बन्नेगरी सत्ता साझेदारी गरेका एमाले अध्यक्ष ओली र नेपाली कांग्रेसका सभापति शेरबहादुर देउवालाई काउन्टर दिने गरी नयाँ राजनीतिक ध्रुवीकरणको प्रयास भएको छ । र, यसको नेतृत्व काँग्रेस सभापतिमा हारेका शेखर कोइरालाले गरेका छन् ।
संस्थापन इतर खेमाको अगुवाई गरेका कोइरालामा प्रधानमन्त्री बन्ने भूत सवार भएपछि काँग्रेस नै फुट्ने खतरा देखापरेको भन्दै काँग्रेसीहरु नै चिन्तित छन् । माओवादी केन्द्रका अध्यक्ष प्रचण्ड सुरूदेखि नै सरकार ढाल्न अनेक प्रयत्न गरेपनि सफल नभइरहेका बेला शेखर नै अघि बढेका छन् ।
स्रोतका अनुसार कांग्रेस नेता शेखर कोइरालालाई भावी प्रधानमन्त्रीको रूपमा अगाडि सारेर नयाँ मोर्चाको कसरत भएको हो ।
शेखर कोइरालाले केपी ओली नेतृत्वको सरकार ढाल्नका लागि प्रयास गर्न माओवादी केन्द्रका अध्यक्ष प्रचण्डलाई सुझाव नै दिएका छन् । बिहीबार प्रचण्ड निवास खुमलटारमा भएको भेटका क्रममा कोइरालाले प्रचण्डलाई यस्तो सुझाव दिएका हुन् ।
स्रोतका अनुसार छलफलका क्रममा प्रचण्डले जनताको आशा कोइरालामा रहेको भन्दै फुरूक्क बनाएका थिए । तर, संसदीय दलको नेता नभएकाले प्रधानमन्त्री हुन नसक्ने बताएका थिए ।
त्यसपछि शेखरले प्रचण्डलाई भने, ‘पहिला यो गठबन्धन सरकार प्रमुख प्रतिपक्षी दलको नेता भएकाले ढाल्ने प्रयास गर्नुस् न । त्यसपछि पो नयाँ खेलहरू सुरु हुन्छन् । दलको नेता, प्रधानमन्त्री को बन्ने र कसरी अघि बढ्ने भन्ने कुरा हुन्छ ।’
दिउँसो तीन बजेदेखि पाँच बजेसम्म दुई घण्टा छलफल भएको थियो । कोइरालाले वर्तमान एमाले– कांग्रेस गठबन्धन रहँदासम्म आफू दलको नेता बन्न नसक्ने बताएको बुझिन्छ । शेखर पछिल्लो समय एमालेसँगको सहकार्यप्रति सन्तुष्ट छैनन् ।
पूर्वराष्ट्रपति विद्यादेवी भण्डारी, नेकपा (माओवादी केन्द्र)का अध्यक्ष पुष्पकमल दाहाल प्रचण्ड, नेकपा (एकीकृत समाजवादी)का अध्यक्ष माधवकुमार नेपालसहितको ‘नयाँ पोल’ बन्न लागेको हो ।
यही समीकरणको प्रयासस्वरूप शेखर कोइरालाले बिहीवार प्रचण्डसँग लामो भेट गरेका हुन् । सरकारप्रति शुरुदेखि नै आक्रामक रहेका प्रचण्डले कांग्रेसको असन्तुष्ट समुहसँग गरेको यस छलफलले कांग्रेसमा सरकारविरोधी अभिव्यक्ति अझ बढ्न सक्ने बताइएको छ ।
कोइरालाले प्रचण्ड भेटेपछि शुक्रबार पूर्वराष्ट्रपति विद्यादेवी भण्डारीसँग पनि लामो छलफल गरेका छन् । शेखरले शुक्रवार बिहान भण्डारीसँग ९ देखि १० बजेसम्म एक घण्टा लामो वार्ता गरेका थिए ।
This will close in 4 seconds
सम्बन्धित खबर
दल र उम्मेदवारले २५ हजारभन्दा बढी नगद सहयोग लिन नपाइने, पुराना खाताको रकम नयाँमा सार्नुपर्ने
लोकतान्त्रिक अभ्यासलाई सुदृढ गर्न आगामी निर्वाचन महत्त्वपूर्ण: उपराष्ट्रपति
जनताको साथ रहेसम्म एमालेलाई कसैले हराउन सक्दैन: ओली
संसद पुनर्स्थापनाको विषयमा सर्वोच्च भाग्न पाउँदैन: महेश बस्नेत
मैले चुनाव हार्नुपर्ने कारण छैन, लमजुङबाट चुनाव जितेरै आउँछु : पृथ्वीसुब्बा गुरुङ
संसद पुनर्स्थापनाको चलखेल भइरहेको रवि लामिछानेको दाबी
यो पनि पढौँ
कान चुँडाएर सुन लुट्ने गिरोह पक्राउ, मुख्य नाइके जेन-जी आन्दोलनमा हिरासतबाट भागेका तामाङ
सुनकाे मूल्य आज घट्यो
चुनावी तालमेल गर्न प्रचण्ड माधवलाई ओलीको प्रस्ताव
बालेनसँगै चुनावी अभियानमा हिँडेका पत्रकार सिटौला अछाममा बेहोस, सेनाको हेलिकप्टर पठाइयो