काठमाडौं । नेकपा एमालेको महाधिवेशन स्थान परिवर्तन गरिएको छ।

शनिबार बसेको सचिवालय बैठकले स्थान परिवर्तन गर्ने निर्णय गरेको हो। एमालेको ११औँ राष्ट्रिय महाधिवेशन २७, २८ र २९ मंसिरमा पोखरामा गर्ने एमालेको केन्द्रीय कमिटी बैठकले निर्णय गरेको थियो ।

आज (शनिबार) अध्यक्ष केपी शर्मा ओलीको भाडाको घर गुण्डुमा बसेको सचिवालय बैठकमा महाधिवेशनस्थल परिवर्तन गर्ने निर्णय भएको हो ।

नेताहरु यसअघि पोखरामा हुने महाधिवेशनस्थलको अध्ययनको लागि गएका थिए । उनीहरुको सुझावअनुसार अब ११औं महाधिवेशन निर्धारित मिति मंसिर २७ गतेदेखि मंसिर २९ गतेसम्म काठमाडौंमा गर्ने तय भएको हो ।

सचिवालय बैठकपछि पत्रकारहरुसँगको कुराकानीमा उपमहासचिव प्रदीप ज्ञवालीले यस्तो जानकारी दिएका हुन् । उनले भने,‘पार्टीको ११औं महाधिवेशन पोखराको सट्टा काठमाडौँमा आयोजना गरिने छ, निर्धारित समय मंसिर २७ देखि २९ मै हुनेछ।’