नेपाली विश्वका १ सय ४८ भन्दा बढी देशमा फैलिएका छन् । पछिल्लो पाँच वर्षमा वैदेशिक रोजगार विभागबाट ३१ लाख ४८ लाख जना श्रमस्वीकृति लिई वैदेशिक रोजगारीमा गएका थिए । यसमा नयाँ श्रमिक मात्रै होइन, नेपाल आउजाउ गर्नेहरू पनि छन् ।

प्रमुख गन्तव्य देशमा रहेका सरकारले गत जनवरीसम्म नेपाली दूतावासलाई दिइएको विवरणअनुसार भने आवासीय अनुमति लिएर मात्रै काम गरिरहेका नेपालीको संख्या २७ लाख छ । यी संख्याका युवाहरू फागुन २१ गते हुने निर्वाचनमा भाग लिँदैछैन । केही मत हाल्ने अवसर पारेर स्वदेश फिरेका छन् भने उतिकै संख्यामा विदेशिरहेका पनि छन् ।

सबैभन्दा बढी संयुक्त अरब इमिरेट्स (यूएई) मा ९ लाख, मलेसिया चार लाख, साउदी अरबमा ३ लाख ८४ हजार, कतारमा ३ लाख ६० हजार, जापानमा २ लाख ७४ हजार, कुवेत १ लाख ७५ हजार, रोमानियामा ६० हजार, कोरियामा ५० हजार, पोर्चुगलमा ५० हजार, क्रोएसियामा ४० हजार, बहराइनमा ३० हजार र ओमानमा २५ हजार कार्यरत छन् । यसमा युरोपमा कागजातविहीन भएर बसेका नेपालीको विवरण भने छैन ।