काठमाडौं । सरकारले विसं २०८३ सालभरिको सार्वजनिक बिदा तय गरेको छ । गत फागुन १३ गते बसेको मन्त्रिपरिषद् बैठकले बिदाका सम्बन्धमा उक्त निर्णय गरेको थियो । सरकारले यो निर्णयलाई राजपत्रमा समेत प्रकाशित गरेको छ ।

आगामी २०८३ वैशाख १ देखि चैत मसान्तसम्मका लागि बिदा र कार्यालय समय निर्धारण गरिएको हो । यो नियम सबै सरकारी कार्यालय र सार्वजनिक निकायमा लागू हुनेछ । ‘नेपाल सरकारले विक्रम संवत २०८३ साल वैशाख १ देखि चैत मसान्तसम्म एक वर्षभरिमा सबै सरकारी कार्यालय तथा सार्वजनिक निकायको लागि देहाय बमोजिमको सार्वजनिक, पर्व एवं सट्टा बिदा र कार्यालय समय निर्धारण गर्ने निर्णय गरेकोले यो सूचना प्रकाशन गरिएको छ,’ राजपत्रमा भनिएको छ ।

मन्त्रिपरिषद्ले फागुन १३ गते नै बिदाको सूचीलाई अन्तिम रुप दिएको थियो । अहिले सोही निर्णयलाई आधिकारिक जानकारीका रुपमा राजपत्रमा ल्याइएको हो । यसमा वर्षभरि हुने विभिन्न चाडपर्वका बिदाहरु समेटिएका छन् । साथै सट्टा बिदा र कार्यालय सञ्चालन हुने समयको समेत टुंगो लगाइएको छ ।

नयाँ वर्ष सुरु हुनुअगावै सरकारले यस्तो तालिका सार्वजनिक गर्ने गर्छ । यसपालि पनि सरकारले आगामी वर्षको कार्यतालिका समयमै बाहिर ल्याएको हो । यो निर्णयअनुसार देशभरका सार्वजनिक निकायले आफ्नो कार्यतालिका बनाउनुपर्ने हुन्छ । राजपत्रमा प्रकाशित विवरण नै बिदाको आधिकारिक आधार हुनेछ ।

सरकारले कार्यालय समयमा पनि आवश्यक व्यवस्था गरेको छ । वर्षभरिको बिदा र कार्यालय खुल्ने समय यसै सूचनाअनुसार हुनेछ । सबै सरकारी संयन्त्रले यही निर्णयलाई पालना गर्नुपर्ने गरी राजपत्रमा सूचना जारी गरिएको छ ।