नेकपा एमालेका सांसद राजेन्द्रकुमार राईले पूर्वप्रधानमन्त्रीसमेत रहेका पार्टी अध्यक्ष केपी शर्मा ओलीलाई रिहा गर्नुपर्ने माग गरेका छन्।
आज सिंहदरबारमा प्रधानमन्त्री बालेन शाहसँग कोशीका सांसदहरूको छलफलका क्रममा बोल्दै राईले ओलीलाई रिहा गर्नुपर्ने बताएका हुन्।
‘पूर्वप्रधानमन्त्री तथा हाम्रो पार्टीका अध्यक्ष केपी शर्मा ओलीलाई प्रहरीले पक्राउ गरेको छ, उहाँलाई तत्काल रिहा गर्नुपर्यो,’ धनकुटाबाट प्रतिनिधि सभा सदस्य निर्वाचित भएका राईको भनाइ थियो।
जेनजी आन्दोलनका क्रममा ओली प्रधानमन्त्री थिए। गौरीबहादुर कार्की नेतृत्वको जाँचबुझ आयोगले ओली र पूर्वगृहमन्त्री रमेश लेखकलाई कारबाही सिफारिस गरेको थियो।
साथै राईले स्वकीय सचिव राख्न पाउनुपर्ने बताएका थिए। ‘सांसदहरूले स्वकीय सचिव राख्न पाउने व्यवस्था गर्नुपर्यो,’ उनले भने।
सुशीला कार्की नेतृत्वको सरकारले सांसदहरूको स्वकीय सचिव राख्ने व्यवस्था हटाएको थियो।
सांसद राईले राखेका यी दुई विषयमा प्रधानमन्त्री शाहले जबाफ दिएनन्। सुनिरहे ।
छलफलमा के-के उठ्यो?
ओलीको रिहाइ: सांसद राईले अध्यक्ष केपी शर्मा ओलीलाई ‘प्रतिशोध साँधेर पक्राउ गरिएको’ भन्दै तत्काल रिहा गर्न माग गरे।
स्वकीय सचिवको मुद्दा: सांसदहरूले स्वकीय सचिव राख्न नपाउने सरकारको निर्णयप्रति राईले कडा असन्तुष्टि पोखे। “राम्रो काम गर्नै पनि भन्ने, अनि एउटा स्वकीय सचिव पनि राख्न नपाउने हुन्छ?” भन्दै उनले प्रश्न गरे।
समानुपातिक सांसदको अपमान: समानुपातिक प्रणालीबाट आएका सांसदहरूलाई प्रधानमन्त्री कार्यालयको गेटबाटै फर्काइएको भन्दै सांसद पार्वती विश्वकर्माले गम्भीर आपत्ति जनाएकी छिन्। उनले यसलाई “जनप्रतिनिधिमाथिको अपमान” भनेकी छिन्।
किन बोल्न चाहेनन् प्रधानमन्त्री?
सांसदहरूको गुनासो र मागप्रति प्रधानमन्त्री बालेनले कुनै जवाफ नदिनुलाई धेरैले राजनीतिक रूपमा अर्थपूर्ण रूपमा हेरेका छन्। कतिपयले यसलाई उनको ‘एक्सन ओरिएन्टेड’ कार्यशैली भन्छन् भने कतिपयले यसलाई ‘सांसदहरूप्रतिको बेवास्ता’ को रूपमा लिएका छन्।
This will close in 4 seconds
सम्बन्धित खबर
सरकारबारे मनिष झाको टिप्पणी- शंका नभएपनि ढंग पुगेन, अब कालो चस्मा पनि हटाउनुपर्छ
रास्वपाकै सांसद प्रसाईंको प्रश्न: केले रोक्यो दुई तिहाइको सरकारलाई ?
कांग्रेस संस्थापन इतर समूहको राष्ट्रिय भेलालाई देउवाले सम्बोधन गर्ने
देउवा स्वदेश फर्कँदा पक्राउ परे कांग्रेसले प्रतिवाद गर्छ: शशांक कोइराला
ग्यास अनावश्यक सञ्चय नगर्न मन्त्री गौरी कुमारीको आग्रह
करदाता प्रोत्साहन उपहार कार्यक्रम सुरु, २५० को सामान किनेका उपभोक्तालाई १० लाखको बम्पर उपहार
यो पनि पढौँ
मर्दी हिमाल पदयात्रामा गएका पोखराका तीन युवक बादलडाँडा क्षेत्रबाट सम्पर्कविहीन
दुई किशोरीलाई गेस्ट हाउसमा लगेर सामूहिक बलात्कार गरेको आरोपमा दुई जना पक्राउ
बसले ठक्कर दिँदा सुनकोशीमा खसेकाे कारभित्र ४ यात्रु रहेको खुल्यो
गण्डकीका प्रदेश प्रमुख भट्टले गरे गाँजा विधेयक प्रमाणीकरण