काठमाडौं : नेपाली कांग्रेसले आफ्ना मान्छे नियुक्ति गरेर संवैधानिक आयोगलाई नियन्त्रणमा राख्ने ढंगबाट सरकारले अध्यादेश ल्याएको भन्दै आपत्ति जनाएको छ।
मंगलबार पार्टी कार्यालय सानेपामा बसेको कांग्रेस संसद समन्वय बोर्डको बैठकपछि संसदीय दलका नेता भीष्मराज आङदेम्बेले संवैधानिक परिषद्सम्बन्धी अध्यादेशमार्फत राज्यका निकायलाई नियन्त्रण गर्ने प्रयास गरिएकाले गम्भीर आपत्ति रहेको बताए।
सरकारले सिफारिस गरेको अध्यादेश जारी भइसकेपछि संसद अधिवेशन आह्वान गर्नुले पनि सरकारको बदनीयत स्पष्ट देखिएको उनले बताए। अध्यादेश लगायतका विषयमा कांग्रेसले सशक्त रूपमा अन्य विपक्षीहरूलाई समेत साथमा लिएर सदनमा आवाज उठाउने उनले बताए।
उनले सरकारको क्रियाकलापले मुलुकलाई ठीक ठाउँमा लगेको जस्तो अनुभूति नभएको बताए। त्यस्तै आङ्देम्बेले व्यवस्थापनका विषयलाई ख्यालै नगरी सुकुम्बासीको बस्ती भत्काउने काममा समेत कांग्रेसको विरोध रहेको बताए। राज्य आतंक मच्चाउने ढंगबाट प्रस्तुत भएकाले यसको पनि विरोध गरिएको उनको भनाइ छ।
कांग्रेस संसदीय दलको विधान (संशोधन र परिमार्जन सहित, २०८३) को धारा २१ बमोजिम गठन भएको संसद समन्वय बोर्डको प्रथम बैठकमा पार्टीले यसअघि गरेका निर्णयहरूका विषयमा समेत छलफल भएको आङ्देम्बेले जानकारी दिए।
सम्बन्धित खबर
संवैधानिक आयोगमा आफ्ना मान्छे नियुक्ति गर्न सरकारले अध्यादेश ल्याएको कांग्रेसको आरोप
सरकारले जस्ता तस्तै फर्काइदिएपछि राष्ट्रपतिबाट संवैधानिक परिषद्सम्बन्धी अध्यादेश जारी
सुकुम्बासी बस्तीबाट हटाइएका युवालाई राधास्वामी व्यास सत्संगले ‘होल्डिङ सेन्टर’मा सीप सिकाउँदै
सुदनको आरोप- ‘बालेनमा हिटलर र मुसोलिनी बन्ने सपना जागेको देखिन्छ’
‘१०० दिन पुग्नु अगावै भन्न बाध्य छौं, सरकारले आफ्नो नियत र बाटो सच्याओस्’
बस्ती उठाइसकेर सरकारले भन्योः दशरथ रंगशालामा उपस्थित भई आफ्नो विवरण दर्ता गर्नू
यो पनि पढौँ
कास्कीको रुपामा बुबाको हत्या गरेको आरोपमा छोरा पक्राउ
पाेखरामा सुकुम्बासीको आन्दोलन घोषणा
थापाथलीका अर्का सुकुम्बासीले पनि गरे आत्महत्या, एक महिला बेहोस
सुदनको आरोप- ‘बालेनमा हिटलर र मुसोलिनी बन्ने सपना जागेको देखिन्छ’