काठमाडौं । राष्ट्रिय स्वतन्त्र पार्टीका सभापति रवि लामिछाने भारत पुगेका छन्। पाँच दिने भ्रमणका लागि सभापति लामिछाने दिल्ली पुगेका हुन्।

उनलाई दिल्ली विमानस्थलमा भाजपाका महासचिव अरुण सिंह तथा विदेश विभाग प्रमुख विजय चौथाइवालेले स्वागत गरे।

उनी भाजपाका अध्यक्ष नीतिन नवीनको निमन्त्रणामा भारत गएका हुन्। रविसँगै उनकी पत्नी निकिता, पार्टीका सहमहामन्त्री विपिन आचार्य, सचिवालय सदस्य दीपक बोहरा र प्रदीप आचार्य छन्।

नयाँ दिल्लीमा रविले उच्चस्तरीय राजनीतिक तथा कूटनीतिक भेटघाट गर्ने जनाइएको छ।

मंगलबार बिहान ११ बजे लामिछानेले भाजपाको मुख्यालयमा भाजपाका अध्यक्ष नितिन नविनसँग भेटघाट गर्ने कार्यक्रम तय भएको छ ।

त्यस्तै, भारतीय प्रधानमन्त्री नरेन्द्र मोदीसँग जेठ २० गते भेटवार्ता गर्ने कार्यक्रम तय भएको छ ।

राष्ट्रिय सुरक्षा सल्लाहकार अजित डोभाल, भारतीय विदेशमन्त्री एस. जयशंकर र सभापति लामिछानेबीच पनि भेटवार्ता हुने बताइएको छ ।

लामिछाने भारत भ्रमण पूरा गरी जेठ २२ गते स्वदेश फर्कनेछन् ।