चितवन । रास्वपाको उद्घाटन समारोहमा निम्त्याइएका पाहुनाबारे सांसद खगेन्द्र सुनारको टिप्पणी गलत भएको प्रवक्ता मनिष झाले बताएका छन् ।
पत्रकारहरुलाई प्रतिक्रिया दिँदै उनले सुनारले अमर्यादित टिप्पणी गरेको बताए ।
मिडिया ब्रिफिङका क्रममा झाले भने, ‘आफैँले बोलाएको पाहुनालाई गैर राजनीतिक टिप्पणी गर्न हुँदैन । त्यो गलत हो ।’
पाहुनालाई बोलाइसकेपछि कम्तीमा सर्टेन दायरामा सम्मान व्यक्त गर्नुपर्ने झाको भनाइ छ ।
‘राजनीतिक टिका टिप्पणी गर्ने मूल्यांकन गर्ने ठाउँहरू निश्चित हुन्छन् । हामीले बोलाएर आउनु भएपछि उहाँहरू अतिथि हो । घरमै बोलाएर टिप्पणी गर्नु गलत हो’, झाले थपे ।
छुद्र टिप्पणी गर्ने सांसद सुनारमाथि कारबाहीबारे महाधिवेशनले चयन गर्ने नयाँ समितिले निर्णय गर्ने झाले बताए ।
सांसद सुनारले पार्टीको उद्घाटन समारोहमा आएका अन्य दलका प्रतिनिधिलाई हाक्काहाक्की भ्रष्टाचारी र आतङ्ककारी भनेका थिए ।
उनको भनाइ थियो, ‘रवि दाइले हिजो चाहिँ उहाँहरुलाई बोलाएर स्टेजमा किन राखेको भने अन्तिम पटक भ्रष्टाचारी, आतङ्ककारीहरुको अनुहार कार्यकर्ता साथीभाइले हेरुन्, यिनीहरुलाई अब तह लगाउनु पर्ने यति बाँकी छन् भनेर चाहिँ उहाँले देखाइदिनु भएको हो ।’
रास्वपाका नेता-कार्यकर्तालाई सम्झाउन जरुरी नभएको भन्दै उनले बिरामीले आएर डाक्टरलाई सल्लाह दिन जरुरी नभएको बताएका थिए ।
सम्बन्धित खबर
रवि लामिछानेको सम्बोधनसँगै रास्वपा महाधिवेशनको बन्दसत्र सुरु
५ दिनभित्र होल्डिङ सेन्टर खाली गर्न सुकुमबासीलाई अल्टिमेटम
रवि लामिछानेसँग सभापति भिड्न आँटेका साहलाई प्रतिनिधिबाट हटाइयो
खगेन्द्र सुनारको क्षुद्र टिप्पणीप्रति रास्वपा प्रवक्ताले भनेः घरमा बोलाएको पाहुनालाई त्यस्तो टिप्पणी गर्नु गलत हो
रास्वपा महाधिवेशन लम्बिने, बन्दसत्र अनिश्चित, घुमघाममा प्रधानमन्त्री बालेन
हिरासतभित्रै छिरेर ज्यान मार्ने धम्की दिएको भन्दै गृहमन्त्री गुरुङविरुद्ध उजुरी
यो पनि पढौँ
रवि लामिछानेसँग सभापति भिड्न आँटेका साहलाई प्रतिनिधिबाट हटाइयो
हिरासतभित्रै छिरेर ज्यान मार्ने धम्की दिएको भन्दै गृहमन्त्री गुरुङविरुद्ध उजुरी
कोठामा आफैं आगो लगाउँदा घाइते भएका स्याङ्जाका एक पुरुषको मृत्यु
स्याङ्जामा अटो दुर्घटना हुँदा १८ महिनाको बालकसहित पाँच जना घाइते