फुकुओका । संभवतः जापानकै सबैभन्दा पुरानो नेपाली संस्था फुकुओका नेपाल सोसाइटी (FUNESO) ले यस वर्ष पनि हरितालिका तीजको अवसरमा भव्य ‘तीज धमाका २०२६’ आयोजना गर्ने भएको छ।
परदेशमा रहेर पनि नेपाली कला, संस्कृति, परम्परा र मौलिक पहिचानको संरक्षण तथा प्रवर्द्धन गर्ने उद्देश्यले आगामी १२ सेप्टेम्बर २०२६ (शनिबार) मा यो कार्यक्रम हुन लागेको हो।
सन् १९९८ मा स्थापित सोसाइटीले हरेक वर्ष तीज उत्सव मनाउँदै आएको छ। यस वर्षको कार्यक्रमलाई थप विशेष र भव्य बनाउन नेपालकी चर्चित एवं लोकप्रिय गायिका शान्ति श्री परियारको विशेष सांगीतिक प्रस्तुति रहने आयोजकले जनाएको छ।
कार्यक्रममा गायिका परियारका अत्यधिक रुचाइएका ‘रुकुमै कोट’, ‘अरेली काडैले मलाई’, ‘गलबन्दी’, ‘सोल्टी बजारमा’, ‘कुरा बुझ्न पर्छ’, ‘घर कहाँ हो बहिनीको’, ‘लाहुर जाने रेलैमा’, र ‘दर्शन गरे हल्का निहुरेर’ जस्ता चर्चित गीतहरू गुञ्जनेछन्।
फुकुओकास्थित ‘नामिकी स्क्वायर हल’ (Namiki Square Hall) मा आयोजना हुने उक्त कार्यक्रमको टिकट दर, प्रवेश शुल्क र अन्य प्राविधिक विवरणहरू छिट्टै आधिकारिक रूपमा सार्वजनिक गरिने संस्थाका वरिष्ठ उपाध्यक्ष एवं कार्यक्रम संयोजक अशोक सेढाईले जानकारी दिए ।
सोही दिन अन्य कार्यक्रम तय गरिसकेका संघ–संस्थाहरूलाई पर्न सक्ने असुविधाप्रति आयोजकले क्षमायाचना समेत गरेको छ। साथै, जापानका अन्य शहरहरूमा पनि तीज कार्यक्रम गर्न इच्छुक समूहहरूसँग आवश्यक समन्वय र सहकार्यका लागि सोसाइटीका अध्यक्ष दिपक बिकले हार्दिक आह्वान गरेका छन्।
आयोजक कमिटीले जापानमा रहेका सम्पूर्ण नेपाली समुदायलाई आफ्नो कार्यव्यस्तताका बाबजुद परिवार र साथीभाइसहित उपस्थित भई कार्यक्रमलाई सफल पारिदिन हार्दिक निमन्त्रणा गरेको छ।

सम्बन्धित खबर
दिल्ली पुगेर अर्थमन्त्री वाग्लेले भने: यो वर्षको अन्त्य सम्ममा प्रधानमन्त्री बालेनले भारत भ्रमण गर्नुहुनेछ
नेपाल-बंगलादेशसँग हाम्रो आन्दोलनको तुलना नगर्नुहोस्: दीपके
फ्रान्समा हिंसात्मक प्रदर्शन : १९औँ शताब्दीको ऐतिहासिक टाउन हल ध्वस्त
युरोपभर अस्थिरता : फ्रान्स, बेल्जियम, इटली र पोर्चुगलमा प्रदर्शन
पाकिस्तानको खैबर पख्तुनख्वाका मुख्यमन्त्री हिरासतमा, गभर्नर शासन लागू
अस्ट्रेलियाको भिसामा अझै कडाइ, उतैबाट विद्यार्थीले थप भिसाको आवेदन दिन नपाइने
यो पनि पढौँ
पोखराका विवेक थापा: चलचित्रप्रतिको मोहले व्यवसायीबाट बने फिल्म निर्माता
पोखरामा जिपमा स्कुटर ठोक्किँदा दुई युवाको ज्यान गयो
सिक्लेसमा पर्यटकको ओइरो, एकैदिन १ हजार ३८४ पर्यटक पुगे
भीमफेदी माइक्रो दुर्घटना अपडेट: मृत्यु हुने १४ जनाकै सनाखत, एउटै गाउँका छिमेकी र आफन्त परे