पोखरा विश्वविद्यालयले सञ्चालन गरेको बिई/बिआर्क २०८३ को छात्रवृत्ति परीक्षामा प्रतिभाका विद्यार्थी देशभरमै उत्कृष्ट तीनमा परेका छन् ।

पालिखेचोक स्थित प्रतिभा माविका विद्यार्थी सबिन नेपालीले देशभरमै तेस्रो तथा गण्डकीमा पहिलो बन्दै उक्त छात्रृवृत्ति प्राप्त गरेका हुन् ।

नेपालीले १३३ अंक प्राप्त गरे । १४१ अंक ल्याएका न्यू क्यापिटल कलेज चितवनका विराज भुसाल देशमै प्रथम भए भने ग्यालेक्सी स्कूल, धनगढीका आकाश ढुंगाना १३४ अंकका साथ दोस्रो भए ।

प्रतिभा माविका अन्य ४९ जना विद्यार्थीले पनि उक्त प्रवेश परीक्षामा सफलता प्राप्त गरेको विद्यालयका प्राचार्य किरण सापकोटाले जानकारी दिए ।

प्राचार्य सापकोटाले भने – ‘हाम्रा विद्यार्थीले उत्कृष्ट सफलता हासिल गरेकोमा हामी अत्यन्त हर्षित छौँ। यस उपलब्धिले विद्यालयको प्रतिष्ठा अझ उँचो बनाएको छ। विद्यार्थीको अथक मेहनत, शिक्षकहरूको समर्पण र अभिभावकहरूको सहयोगका कारण यो सफलता सम्भव भएको हो। हामी सफल विद्यार्थीलाई हार्दिक बधाई तथा उज्ज्वल भविष्यको शुभकामना व्यक्त गर्दछौँ ।’