काठमाडौं । नेपाली कम्युनिस्ट पार्टीका संयोजक पुष्पकमल दाहाल प्रचण्डले प्रधानमन्त्री बालेन शाहले आफ्नै दलका सांसदहरूलाई समेत विश्वासमा लिन नसकेको टिप्पणी गरेका छन्। प्रतिनिधि सभाको बैठकमा बोल्दै सङ्कटमा राज्य देखिनुपर्ने बताए।

उनले भने, ‘उहाँले अरूलाई पनि विश्वासमा लिनुपर्छ, प्रतिपक्षका सांसदलाई मात्रै होइन, उहाँको कार्यशैलीले आफ्नै दलका सांसदलाई विश्वासमा लिने मेहनत पनि गरेको मैले चाहिँ देख्दिनँ। उहाँ आउनुहुन्छ, कसैको अनुहार नहेरी जानुहुन्छ, यो के तरिका हो? यस्तो त हुँदैन।’

उनले प्रधानमन्त्रीको यो कार्यशैलीले सङ्कटको सामना गर्न नसकिने बताए।

उनले थपे, ‘उहाँलाई यत्रो ठूलो अवसर प्राप्त छ, यो अवसर गुम्न दिनुहुँदैन। पीडित नागरिकले पोस्ट होइन, सोसल मिडियामा पोस्ट गरेर तपाईँहरूले चुनाव त जित्नुभयो, यो सङ्कट समाधान हुँदैन। उहाँले गम्भीर भएर सबैको विश्वास जित्न खोज्नुभएन भने समयले नपर्खिन सक्छ, ध्यान रहोस्।’