काठमाडौँ- प्रधानमन्त्री बालेन्द्र शाहले बाढीपीडितलाई हियाउनेप्रति सरकार निर्मम हुने बताएका छन्।

श्रीमान् हराएका एक महिलाप्रति सामाजिक सञ्जाल प्रयोगकर्ताहरूले अपमानजनक कमेन्ट गरेकोप्रति प्रधानमन्त्री शाहले इंगित गरेका हुन्।

शनिबार बेलुका सामाजिक सञ्जालमार्फत प्रधानमन्त्री शाहले यस्ता सामाजिक सञ्जाल प्रयोगकर्ताहरूमाथि सकार निर्मम हुने बताएका हुन्।

उनले लेखेका छन्- ‘आफन्त हराएर अथाह पीडामा रहेका नागरिकहरूको आक्रोश स्वाभाविक हो। एकै क्षणमा आफ्नो संसार गुमाएकाहरूको आक्रोश, आक्रोशभन्दा बढी पीडा व्यक्त गर्ने माध्यम हो। हामीले उहाँहरूको आक्रोशलाई संयमतापूर्वक सुन्नुपर्छ।’

उनले  यस संवेदनशील घडीमा पीडामा रहेका मानिसहरुमाथि अनावश्यक टिप्पणी गर्ने, हियाउने र थप पीडा दिन खोज्नेहरू अपराधी रहेको उल्लेख गरेका छन्। उनले भनेका छन्- ‘ती अपराधीहरूप्रति सरकार निर्मम हुनेछ।’