पोखरा । नेपाली कांग्रेसको १४ औँ महाधिवेशनअन्तर्गत कास्कीबाट पदाधिकारी र केन्द्रीय सदस्य पदमा १० जनाले मनोनयन दर्ता गराएका छन्।

मङ्गलबार भएको मनोनयन दर्तामा कास्कीबाट पदाधिकारीसहित विभिन्न पदमा १० जनाको उम्मेदवारी परेको हो।

कास्कीबाट जीवन परियारले समावेशी उपसभापति पदमा उम्मेदवारी दर्ता गराएका छन्। त्यसैगरी नेपाली कांग्रेसका वर्तमान प्रवक्ता देवराज चालिसेले खुला उपसभापति पदमा उम्मेदवारी दिएका छन्।

केन्द्रीय सदस्य खुलातर्फ तिलकबहादुर रानाभाट, किशोरदत्त बराल, डाक्टर कृष्णप्रसाद पौडेल र किरण केसीले उम्मेदवारी दर्ता गराएका छन्। त्यसैगरी सौगात थापाले ३५ वर्षमुनिको खुला युवा केन्द्रीय सदस्य पदमा उम्मेदवारी दर्ता गराएका छन्।

खुला महिलातर्फ नम्रता बरालले केन्द्रीय सदस्य पदमा उम्मेदवारी दिएकी छन्। त्यसैगरी लक्ष्मी पाण्डे र सरिता तिमिल्सिना पंगेनीले पनि केन्द्रीय सदस्य पदमा उम्मेदवारी दर्ता गराएको निर्वाचन समितिले जनाएको छ