काठमाडौं– पाकिस्तान सुपर लिग (पिएसएल) टी–२० क्रिकेट प्रतियोगितामा नेपाली युवा बलर सन्दीप लामिछाने आवद्ध लाहोर क्वालन्डर्स प्लेअफमा पुग्न असफल भएको छ।
समूह चरणको अन्तिम खेलमा मुल्तान सुल्तानसँग ७ विकेटले पराजित भएसँगै लाहोर बाहिरिएको हो।
पाकिस्तानको कराँचीमा भएको खेलमा पहिले ब्याटिङ गरेको लाहोरले ८ विकेटको क्षतिमा १ सय ४० रन जोडेको थियो। उसका लागि कप्तान फखर जमानले ५३ रन जोडे।
डेभिड विसेले ३० रन जोड्दा अन्य ब्याट्सम्यान सस्तैमा आउट भए। बलिङमा सुल्तानका मोमहद अब्बासले ३ विकेट लिए।
१ सय ४१ रनको लक्ष्य सुल्तानले १२.३ ओभरमा ३ विकेटको क्षतिमा पूरा गरेको थियो। उसका लागि साह मसुदले २५ बलमा ८ चौका र १ छक्का हिर्काएर ४८ रनको योगदा नगरे। जिएम भिन्सले १२ बलमा २५ रन जोड्दा जोनसन चार्ल्सले नटआउट ४१ रन बटुले।
बलिङमा लाहोरका सहीन अफ्रिदी र विसेले १–१ विकेट लिए। नेपाली बलर सन्दीपले विकेट लिन सकेनन्। उनले २.३ ओभरमा २८ रन खर्चिए।
उनले समान २–२ चौका र छक्का दिएका थिए भने ५ बलमा डट फ्याँकेका थिए।
योसँगै अंक तालिकाको पुछारमा झरेको लाहोरले १० खेलमा ३ खेलमा जित हात पार्दा ७ हार बेहोर्यो।
सन्दीपले पिएसएलका ७ खेल खेल्दा ११ विकेट लिए। उनले पाँच खेलमा विकेट लिँदा २ खेलमा भने विकेट लिन सकेनन्।
सम्बन्धित खबर
इरान-अमेरिका युद्धले विश्वभर मन्दीको संकट
सरकारको विरोध गरेपछि २१ वर्षीय युवकलाई फाँसी
मालीमा विभिन्न ठाउँमा एकसाथ आक्रमण, रक्षामन्त्री कमारा मारिए
भारत नरकको ढोका हो: अमेरिकी राष्ट्रपति ट्रम्प
भारतीय संगीतकी सुप्रसिद्ध गायिका आशा भोसलेको ९२ वर्षको उमेरमा निधन
बलिउडकी दिग्गज गायिका आशा भोसलेलाई हृदयघात, ९२ वर्षीया भोसलेको आईसीयूमा उपचार गरिँदै
यो पनि पढौँ
उच्चतम् ४ जीपीए ल्याउने २८ जना विद्यार्थीले रोजे प्रतिभा मावि
शान्ति निकेतनमा कक्षा ११ का पहिलो ब्याचका विद्यार्थीलाई स्वागत र अभिमुखीकरण
प्रतिभाले नयाँ विद्यार्थीलाई सपथ खुवाउँदै गर्यो स्वागत
बेगनास तालमा पौडी खेल्ने क्रममा डुबेर युवकको मृत्यु