पोखरा । फर्जी डकुमेन्ट बनाएर लाइसेन्स निकाल्न सहयोग गरेको आरोपमा नेपाली काङ्ग्रेस सम्बद्द जनसम्पर्क समिति जापानका उपसभापति पुस्कर जंङ्ग थापा पक्राउ परेका छन् । जापानमा ड्राइभिङ स्कुल र रेस्टुरेन्ट सञ्चालन गर्दै आएका थापा र उनका भाई अशोक थापालाई प्रहरीले नक्कली लाइसेन्स बनाएको आरोपमा पक्राउ गरेको हो ।

उनीहरु दुई साता अघि नै पक्राउ परेका थिए । उनीहरुलाई नक्कली लाइसेन्स नेपालमा बनाएर लाने र विदेशी लाइसेन्स छ भने जापानी लाइसेन्सको परीक्षा दिनु नपर्ने भन्दै नक्कली लाइसेन्स बेच्ने गरेको आरोप लागेको छ ।

जापानी संचारमाध्यमहरूका अनुसार नेपालमा ड्राइभिङ अनुभव नभए पनि नक्कली लाइसेन्स बनाइदिने र उनीहरुले नक्कली लाइसेन्सलाई जापानी लाइसेन्सको मान्यता दिन किर्ते छाप लगाउने देखि जापानी लाइसेन्समा हुने सबै प्रक्रिया पूरा गर्ने गरेको आरोप लागेको छ ।

https://www.facebook.com/npsij/videos/404696227009573/

उनीहरुका अनुसार नेपालमा एक दलालले नक्कली लाइसेन्स बनाएर दिने गर्छन् । नक्कली लाइसेन्स बनाएबापत उनीहरुले एक लाख ८० हजार येनसम्म लिने गरेको खुलेको छ ।

पक्राउ परेका पुस्करले यो आरोप स्वीकारेका छैनन तर हाल उनी  जेलमा समय बिताइरहेको सञ्चार जापानी माध्यमहरुले जनाएका छ्न ।