युरोपेली गोल्डेन बुट अवार्ड सुपर स्टार लियोनल मेस्सीले जितेका छन् । स्पेनिस महारथि बार्सिलोनाका कप्तान मेस्सीले छैटौं पटक युरोपेली गोल्डेन बुट जितेका हुन् । युरोपका शीर्ष लिगहरुमध्ये सर्वाधिक गोल गर्ने खेलाडीलाई यस अवार्ड प्रदान गरिंदै आएको छ ।
मेस्सीले लगातार तेस्रो सिजन यस अवार्ड जितेका हुन् । मेस्सीले यस सिजन स्पेनिस ला लिगामा ३४ खेल खेल्दै ३६ गोल गरेका थिए । मेस्सीले दोस्रो स्थानमा रहेका पेरिस सेन्ट जर्मन (पीएसजी) का केलियन एमबाप्पेलाई पछि पारेका हुन् । एमबाप्पे मेस्सीसँग तीन गोलले पछि परे ।
सुक्रबार राति भएको फ्रेन्च लिगको अन्तिम खेलमा लिग च्याम्पियन पीएसजी रेम्ससँग ३–१ गोलले पराजित भयो । यस खेलमा एमबाप्पेले एक गोल मात्र गर्न सकेका थिए । उनलाई अन्तिम खेलमा मेस्सीलाई पछि पार्ने ठूलो मौका थियो ।
स्पेनिस ला लिगाबाट मेस्सीले लगातार तेस्रो र समग्रमा छैटौं पटक गोल्डेन बुट हात पार्दा स्पेनिस ला लिगाका खेलाडीले गोल्डेन बुट जितेको भने यो ११औं पटक हो । गोल्डेन बुट जितेका मेस्सीले आफुलाई च्याम्पियन्स लिगमा लिभरपुलविरुद्धको हारले सताई रहेको बताएका छन् ।
‘मैले गोल्डेन बुट बारे सोचेको छैन । मेरो दिमागमा लिभरपुलसँगको खेल बाहेक केहि छैन । म अझै लिभरपुलसँगको हारबारे सोचिरहेको छु,’ मेस्सीले भने । मेस्सीले गोल्डेन बुटभन्दा शनिबार राति हुने कोपा डेल रेको फाइनल खेल आफ्नो लागि निकै महत्वपूर्ण रहेको पनि बताएका छन् । कोपा डेल रे अन्तर्गत बार्सिलोनाले आज (शनिबार) राति भ्यालेन्सियासँग उपाधिका लागि खेल्दैछ ।
सम्बन्धित खबर
ब्राजिलमा बाढीका कारण ७५ जनाको मृत्यु, १०३ जना बेपत्ता
डीभीको रिजल्ट आयो, यसरी हेर्न सकिन्छ नतिजा
अमेरिकी डिभीको नतिजा आज आउँदै, यसरी हेर्न सकिन्छ
आज विश्व प्रेस स्वतन्त्रता दिवस मनाइँदै
क्यानडा पढ्न जानेलाई दूतावासको सुझाव : विद्यार्थीले सोचेजस्तो छैन, विचार गरेर आउनुस्
पोखराका राजु आचार्यलाई ५० हजार पाउन्डको ह्विट्ली पुरस्कार
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग