एक्लै हुँदा, गाइबाख्रा चराउँदा
झल्को आउला, हवाईजहाज कराउँदा

पोखराका रचित पौडेलले औपचारिक रुपमा पहिलो लोकदोहोरी गीतको भिडियो सार्वजनिक गरेका छन् । यससँगै उनले नवगायकका रुपमा आफूलाई स्थापित गरेका छन् । यसअघि रचितले अडियो गीत ‘छल गर्यो छायाँले’ सार्वजनिक गरेका थिए । रचितले ‘हवाईजहाज कराउँदा’ बोलको गीतको भिडियो युट्युबमा सार्वजनिक गरेका हुन् । उनलाई चर्चित गायिका शर्मिला गुरुङको साथ मिलेको छ । ज्योति लोहनी र रमेश परियारले पृष्ठभूमिबाट स्वर मिसाएका छन् । परदेशिएका मायालुबीचको कथा रहेको यस गीतका शब्द रचित आफैले कोरेका हुन् । लय रमेश परियारको रहेको छ । गीतको एरेञ्ज तारानाथ आचार्यले गरेका हुन् । डिजिटल स्टार पोखरामै गीत रेकर्ड भएको हो ।

भिडियोका लागि यहाँ क्लिक गर्नुहोस्

रक्षा म्युजिकबाट सार्वजनिक भिडियोको निर्देशन गुरुआमा फिल्मसकी स्मृति तिमिलसिनाले गरेकी हुन् । भिडियोमा चर्चित मोडल जीवन खड्का र एलिना ठकुरी देखिएका छन् । सुरेश श्रेष्ठले खिचेको भिडियोलाई प्रकाश धमालले काँटछाँट र फुलबुट्टा भरेका हुन् ।

सांगीतिक जिवनको पहिलो प्रयास भएकाले आफू निकै उत्साहित भएको नवगायक रचितले बताएका छन् । किशोर उमेरका उनले आफूमा निखारता ल्याउँदै अघि बढ्ने प्रतिबद्धता जनाउँदै दर्शक श्रोताको माया पाउने विश्वास समेत लिएका छन् ।