प्रदेश नम्बर १ का मुख्यमन्त्री शेरधन राई वैवाहिक सम्बन्धमा बाँधिदैछन् । मुख्यमन्त्री राईले र मिस मंगोल २०१८ की विजेता जाङमु शेर्पासँग यही माघ ११ गते विवाह गर्न लागेको खुलासा भएको छ ।

मुख्यमन्त्री राई र मोडल ज्याङ्मुको उमेरमा भने आधा बढी अन्तर छ । विभिन्न देशमा नेताहरुले सेलिब्रिटीसँग बिहे हुने गरेपनि नेपालमा मोडल बिहे गर्ने नेता भेट्न मुस्किल छ । मुख्यमन्त्री राई ४८ वर्षका हुन् भने मिस मंगोल २०१८ की विजेता शेर्पाको उमेर २० वर्ष पुगेको पारिवारिक श्रोतले जानकारी दिएको छ।

स्रोतका अनुसार विवाह काठमाडौँमा हुने छ। काठमाडौँमा विवाह लगत्तै प्रदेश राजधानी विराटनगरमा विवाहको शुभकामना तथा प्रितीभोज कार्यक्रम हुने बताइएको छ। मिस मंगोल भएदेखि नै सामाजिक काममा सक्रिय ज्याङ्मुका परिवार भने अमेरिकामा बस्छन् । संखुवासभा पुख्र्यौली घर भएकी उनी हाल काठमाडौंमा बस्छिन् ।

२०६५ सालमा भोजपुरबाट सांसद बनेका राई त्यसयता लगातार राजनीतिमा उदाएकाले उनको विहे भने हुन सकेको थिएन । तत्कालिन नेकपा एमालेबाट अशोक राई बाहिरिएपछि नेपाली राजनीतिमा शेरधनको भाग्योदय भएको थियो । उनी तत्कालीन एमालेको जिल्ला सचिव, अध्यक्ष, केन्द्रीय सदस्य हुँदै पोलिटव्यूरो सदस्य र संघीय सरकारको मन्त्री तथा मुख्यमन्त्री भएका हुन् ।