काठमाडौं, २८ फागुन– सोमबार(आज) दिउँसो १२ बजे ‘ममि म प्लेन चढें’ भन्दै पाटनकी आसना शाक्यले आमा रुपालाई फोन गरिन् ।
पाटनकी रुपा शाक्य साढे १ बजेपछि छोरी लिनका लागि त्रिभुवन विमानस्थल पुगिन् । साढे २ बजे विमानस्लमा छोरीलाई लिन गएकी रुपा त्यतिखेर सितांग भइन् जुन समयमा विमानस्थलमा धुवाको मुस्लो उड्यो ।
आफ्नी छोरी विमानबाट ओर्लने समयमा विमानमा आगलागी भएको विमानस्थलबाट प्रस्ट देखेपछि उनलाई छटपटि भयो ।
केहीबेर विमानस्थलमा यताउति गरेकी रुपमा त्यतिबेला छांगाबाट खसेजस्तै भइन् जतिबेला समाचारहरुमा बंगलादेशबाट आएको विमानमा आगलागी भएको सूचना आयो ।
विमान दुर्घटनामा परेकालाई लिएर एम्बुलेन्सहरु अस्पताल तर्फ कुदेपछि उनी पनि त्यसतर्फ जान चाहन्थिन् तर कहाँ जाने ?
केही बेरमा उनले पत्ता लगाइन् घाइतेलाई सिनामंगलस्थित काठमाडौं मेडिकल कलेजमा लगिएको छ ।
त्यसपछि उनी त्यतै लागिन् ।
अस्पताल पुगिन् तर उनले छोरी भेट्न सकिनन् ।
अस्पतालले जारी गरेको घाइतेको नाममा उनको छोरीको नाम थिएन ।
रुपा छोरी भेटिने आशामा थिइन् । अरु घाइते कुन अस्पताल लगेको छ भन्दै उनी खोजी गर्दै थिइन् ।
यो समाचार तयार पार्दासम्म विमानमा रहेका चालक दलका सदस्यसहित ७१ जनाको नाममा आसना शाक्यको नाम थियो । उनको अवस्था बारे आमा र आफन्त चिन्तित थिए ।
-लोकान्तरबाट
सम्बन्धित खबर
सरकारले ६० दिनभित्र विद्यालय र विश्वविद्यालयबाट विद्यार्थी संगठन हटाउने, विद्यार्थी काउन्सिल राख्ने
भदौ २४ को घटनाबारे छानबिन गर्न सरकारले एक हप्ताभित्र उच्चस्तरीय छानबिन समिति बनाउने
बालेन सरकारको निर्णय : दलीय ट्रेड युनियन खारेज गर्ने
‘भदौ २४ को विध्वंसमा संलग्नलाई पनि कारबाही हुनुपर्छ’
ओली र लेखक पक्राउसँगै कांग्रेसमा समानान्तर गतिविधि सुरू, बेग्लाबेग्लै विज्ञप्ति
ओली-लेखक पक्राउ अपरिपक्व निर्णय: पूर्वराष्ट्रपति भण्डारी
यो पनि पढौँ
पोखरामा गाडीको ठक्करबाट पैदलयात्रीको मृत्यु
पोखराको शान्ति निकेतनले अत्याधुनिक भवनबाट ११ र १२ कक्षा सञ्चालनमा ल्याउँदै
पोखरामा रवि, जिबीलाई मुद्दा हाल्ने व्यक्ति आफै पनि सहकारी ठगी आरोपमा पक्राउ
इनिशा विक मृत्यु प्रकरण : सामूहिक बलात्कार नभएको प्रहरीको निष्कर्ष