पोखरा । अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) कास्कीले विभिन्न ४ बुँदे माग राख्दै पोखरा महानगरपालिका तथा वडा कार्यालयहरुमा ज्ञापन पत्र बुझाएको छ । बुधबार युनियनका अध्यक्ष शेखर गौतमको नेतृत्वमा पोखरा महानगरपालिका तथा ६ वटा वडा कार्यालयमा ज्ञापन पत्र बुझाएको हो । युनियनले महानगरपालिकाका उपमेयरलाई तथा वडा नम्बर ५, ६, ७, ८, १६ र १९ का वडा कार्यालयमा ज्ञापन पत्र बुझाएको हो ।
युनियनले शैक्षिक सत्रसँगै संस्था भित्र भएका व्यापारीकरणको अन्त्यका लागि छानविन गरी दोषिलाई कारवाही गर्नुपर्ने, छात्रवृत्तिको रुपमा दिँदै आएको प्रतिशतलाई बढाएर २० प्रतिशत बनाउनु पर्ने माग ज्ञापन पत्रमा उल्लेख गरिएको छ । त्यस्तै, ज्ञापन पत्रमा आफ्नो संगठनले गरेको छड्के जाँचमा स्कूल बसले यात्रु क्षमता भन्दा बढि बिद्यार्थी बोक्ने गरेको जानकारी गराउँदै त्यसरी मानव अधिकार हनन गर्ने बिद्यालयलाई कारवाही गर्न, स्कुल तहमा बितरण हुने छात्रावृत्ति पारदर्शी बनाउन छानविन गरि दोषीलाई कारवाही तथा बार्षिक तथा मासिक शुल्कमा अनियमितता गर्ने बिद्यालयहरुलाई कारवाहीको माग गरिएको छ ।
युनियनका अध्यक्ष गौतमका अनुसार ज्ञापन पत्र बुझेपछि सबै स्थानीय सरकारबाट यहि वर्षबाट १० प्रतिशत कार्यान्वयन गर्ने आश्वासन दिएका छन् । उपमेयर मञ्जुदेवी गुरुङले नगरपालिकाको आन्तरिक कारणले गर्दा समयमै गतिबिधि अघि बढाउन नसक्नु कमजोरी भएको बताउँदै तत्काल शिक्षा समितिको बैठक राखेर माग पुरा गर्ने काम अघि बढाउने बताएकी थिईन् ।
सम्बन्धित खबर
नेपाल जेसीजको राष्ट्रिय उपाध्यक्षमा पोखराका सुमन पहारीको उम्मेदवारी
सापकोटाको बहुआयामिक कविता संग्रह ‘युगान्तर’ प्रकाशित
२६औँ आहा ! रारा पोखरा गोल्डकप माघ ५ गतेदेखि
र्याफ्टिङमा पोखराको अपर सेतीमा पर्यटकको आकर्षण
पोखरा–दुबई उडानको एक वर्षको टिकट बुकिङ खुला
संगीत तथा नाट्य प्रज्ञा प्रतिष्ठानका प्राज्ञहरूद्वारा सुझाव संकलन
यो पनि पढौँ
नेपाल जेसीजको राष्ट्रिय उपाध्यक्षमा पोखराका सुमन पहारीको उम्मेदवारी
स्याङ्जा नागरिकता किर्ते प्रकरण : ताकेतापछि मात्रै ३ कर्मचारी पक्राउ
दानबहादुर कार्कीलाई सरकारले आइजीपीबाट हटायो, कानुनी जटिलताबाट बच्न नयाँ जिम्मेवारी सुरक्षा सल्लाहकार !
इनम सापकोटा बालेनकै विचौलिया हुन्, निर्वाचन क्षेत्रमा सर्भेमा खटिएका थिएः सूर्य थापा