पाकिस्तानको लाहोरस्थित प्रसिद्ध दाता दरबार सुफी मस्जिदनजिकै विष्फोट भएको छ । सो विष्फोटमा परी  पाँच प्रहरीसहित ८ जनाको मृत्यु र २५ जना जति घाइते भएको रेडियो पाकिस्तानले जनाएको छ।

प्रहरीको एउटा गाडीलाई लक्षित गरी सो विष्फोट गरिएको बताइएको छ । अहिलेसम्म कुनै पनि समूहले घटनाको जिम्मेवारी लिएको छैन।

इस्लाम धर्मावलम्बीहरूको पवित्र रमजान महिना सुरू भएपछि यो आक्रमण भएको हो । सिया र सुन्नी दुवै सम्प्रदायका मुसलमानहरू दाता दरबार मस्जिदमा जाने गर्छन्। इस्लामिक लडाकूहरूले पाकिस्तानमा प्रायः सुफी सम्प्रदायका व्यक्तिमाथि आक्रमण गर्ने गरेका छन् ।

सन् २०१० मा सो मस्जिदमा भएका दुई आत्मघाती विस्फोटनमा दर्जनौं मानिसहरूको ज्यान गएको थियो ।  यसैबीच, राष्ट्रपति आसिफ अली र  प्रधानमन्त्री इमरान खानले मृत्यु भएकाप्रति समवेदना प्रकट गरेका छन्। प्रधानमन्त्री खानले सो विस्फोटनको निन्दा गर्दै घाइतेको राम्रो उपचारको प्रबन्ध गर्न मातहतका निकायलाई निर्देशन दिएका छन्।