गण्डक न्यूजमा यहाँलाई हार्दिक स्वागत छ ।
गण्डक न्यूज डटकम सन् २०१७ देखि सञ्चालित प्रेस काउन्सिलमा सूचीकृत र सूचना विभागमा दर्ता गरिएको गण्डक नेपाल मिडिया (प्रा.) लि. को अनलाइन न्यूज पोर्टल हो । मूख्यतः यस प्रदेशको गतिविधिमा केन्द्रित रही पोखराबाट सञ्चालनमा रहेको छ ।
गण्डक न्यूज ताजा र खोजमूलक समाचार, विचार, विश्लेषण र अन्तर्वार्ता निरन्तर सम्प्रेषण गरिरहेको छ । यो निरपेक्ष रुपमा निष्पक्षताको नारा दिएर अघि बढेको छ । ‘हामी कोहि एक्लैको होइनौं, हाम्रो कोहि एक मात्र छैन’ भन्ने मूलमन्त्र आत्मसात् गरी समाचार सम्प्रेषण गरिरहेको छ ।
नयाँ दिल्ली । भारतको लोकसभा निर्वाचनमा ऐतिहासिक सफलता हात पार्दै भारतीय जनता पार्टीले सरकार गठनको तयारी गरेको छ । नयाँ सरकार गठनको चर्चासँगै नवनिर्वाचित सांसदहरुको पृष्ठभूमि, सम्पत्ति, सामाजिक जीवनलगायतका विषयमा समाचारहरु प्रकाशमा आउन थालेका छन् । यसै क्रममा पछिल्लो समय चर्चाको शिखरमा छिन्– मिमी चक्रवर्ती ।
उनी नवनिर्वाचित सांसद हुन् । पेशाले कलाकार रहेकी उनले राजनीतिक जीवनको सुरुवात सांसदका रुपबाट गर्दैछिन् । हालै सम्पन्न निर्वाचनमा उनी तृणमुल कांग्रेस पार्टीबाट उम्मेदवार बनेकी थिइन् । उनी पश्चिम बंगालको जादवपुर क्षेत्रबाट निर्वाचित भएकी हुन् । उनलाई १७ औं लोकसभाको ‘सुन्दरी सांसद’ भनेर भारतीय सञ्चारमाध्यमले टिप्पणी गरेका छन् ।
बंगाली चलचित्रमा अभिनेत्रीको भूमिका निर्वाह गर्दै आएकी उनले संसदमा नेत्रीका रुपमा कस्तो भूमिका निर्वाह गर्ने हुन् ! कौतुहलताको विषय बनेको छ । सामाजिक सञ्जालमा सक्रिय मिमीलाई धेरैले शुभकामनासमेत दिएका छन् । प्रशंसकहरुले उनको राजनीतिक जीवन सफल बन्ने विश्वास व्यक्त गरेका छन् ।
उनले अभिनय गरेका दुई चलचित्र यसै वर्ष प्रदर्शनमा आउने तयारी छ । करिब एक दशकदेखि बंगाली चलचित्र र टेलिभिजनमा ख्याती कमाएकी यी ३० वर्षीय सुन्दरी राजनीतिक जीवनमा कति सफल हुने हुन्, त्यो भने हेर्न बाँकी नै छ ।
गण्डक न्यूज डेस्क
प्रतिक्रिया