स्याङ्जा, २४ असार । स्याङ्जाको गल्याङ नगरपालिका ३ स्थित बृहत निःशुल्क योग तथा विशेषज्ञ आयुर्वेद स्वास्थ्य शिविर हुने भएको छ । गण्डकी प्रदेश सरकार सामाजिक विकास मन्त्रालयको आयोजनामा स्वास्थ्य जीवन अभियान कार्यक्रम अन्तर्गत असार २५ गते देखि २७ गते सम्म बृहत निःशुल्क योग शिविर हुने भएको हो ।

मन्त्रालयका कार्यक्रम संयोजक नविन किरण भुसालका अनुसार आजभोलि नसर्ने रोगहरुको प्रकोप बढिरहेको साथै नसर्ने रोगहरुको कारणले अकालमा मृत्युदर बढिरहेको सन्दर्भमा योग जीवनशैली व्यवस्थापन र आयुर्बेदको माध्यमबाट यस्ता समस्याको न्यूनीकरण गर्न सकिने हुनाले कार्यक्रमको आयोजना गरिएको हो ।

शिविर बिहान ६ बजेदेखि ८ बजे सम्म गल्याङ नगरपालिका ३ स्थित गल्याङ बहुमुखी क्याम्पसको प्राङ्गणमा चल्नेछ । डा योगी विकासानन्दको योग प्रशिक्षण साथै २७ गते बिहान ९ बजे देखि ४ बजे सम्म बिशेषज्ञ आयुर्वेद चिकित्सकहरुबाट निःशुल्क स्वास्थ्य परीक्षण निःशुल्क औषधि वितरण प्रयोगशाला सेवा सहित विशेषज्ञ आयुर्वेद स्वास्थ्य शिविर संचालन गरिने कार्यक्रम छ ।