युइएफए च्याम्पियन्स लिग फुटबलअन्तर्गत गएराति भएको खेलमा इटालियन क्लब युभेन्ट्स पराजित भएको छ । अन्तिम १६ अन्तर्गत पहिलो लेगको खेलमा युभेन्ट्सलाई पोर्टोले २-१ गोलअन्तरले पराजित गरेको हो ।

घरेलु मैदानमा पोर्टोको जीतमा मेहेदी तारेमी र मोउसा मारेगाले गोल गरे । युभेन्ट्सका फेडरिको चिइसाले एक गोल फर्काए ।

खेलको पहिलो मिनेटमा नै पोर्टोले मेहेदी तारेमीको गोलमार्फत अग्रता लिएको थियो । दोस्रो हाफको पनि सुरुमै मारेगाले गोल गर्दै पोर्टोको अग्रता दोब्बर बनाए ।

८२औं मिनेटमा चिइसाले गोल गर्दै युभेन्ट्सलाई खेलमा फर्काउने प्रयास गरेका थिए यद्यपि त्यसपछि गोल निस्कन नसक्दा युभेन्ट्स पराजित हुन पुग्यो ।

अब यी दुई टोलीबीचको दोस्रो लेगको खेल १० मार्चमा हुनेछ । उक्त खेलमा बराबरी वा जीत निकाले पोर्टो क्वाटरफाइनलमा प्रवेश गर्नेछ । युभेन्ट्सलाई अघिल्लो चरण प्रवेश गर्न कम्तीमा १–० को जीत आवश्यक पर्नेछ ।

हालान्ड चम्कदा डर्टमुन्डको जित

युरोपेली च्याम्पियन्स लिगअन्तर्गत अन्तिम १६ को पहिलो लेगमा बुधबार बोरुसिया डर्टमन्ड र एफसी पोर्टो विजयी भएका छन् । इर्लिङले आफ्नो उत्कृष्ट लय कायम राख्दै दुई गोल गरेपछि डर्टमन्डले सेभियालाई उसको घरमा ३–२ ले हराएको हो ।

घरेलु लिगमा खराब प्रदर्शन गरिरहेको डर्टमन्डले त्यसलाई बिर्साउने गरेर यो सफलता हात पारेको हो । अब दोस्रो लेगको खेल मार्च ९ मा जर्मन भूमिमा हुनेछ र त्यस अगाडि डर्टमन्ड अर्को चरणका लागि बलियो प्रत्यासी हुनेछ ।