Gandak News
Our News Your Views
Promote your business here Gandaknews

बुधबार कास्कीका ११२ सहित गण्डकीमा थप ३६३ जनामा कोरोना पुष्टि, २८१ कोरोनामुक्त

बुधबार गण्डकीका ३६३ जनामा कोरोना संक्रमण पुष्टि भएको छ ।

प्रदेश स्वास्थ्य निर्देशनालयको दैनिक कोरोना सम्बन्धी विज्ञप्ति अनुसार पछिल्लो २४ घण्टामा गण्डकीका १ हजार ३० जनामा गरिएको नमुना परीक्षणमा ३६३ जनाको रिपोर्ट कोरोना पोजेटिभ आएको छ ।

आज संक्रमण पुष्टि हुनेमा गण्डकीका नौ जिल्लाका छन् । जसअन्तर्गत कास्कीका ११२ जना, तनहुँका ३८ जना, गोरखाका १३ जना, लमजुङका २१ जना, नवलपुरका ७८ जना र स्याङ्गजाका ४६ जनामा कोरोना पुष्टि भएको छ ।

यस्तै, पर्वतका ३४ जना, बागलुङका तीन जना र म्याग्दी जिल्लाका १८ जनाको परीक्षण रिपोर्ट कोरोना पोजेटिभ आएको जारी विज्ञप्तिमा जनाइएको छ ।

आज थपिएकासंगै गण्डकीमा कोरोना संक्रमितको कूल संख्या ६२ हजार ७२४ पुगेको छ ।

पछिल्लो २४ घण्टामा गण्डकीबाट २८१ जना कोरोनामुक्त भएका छन् । योसंगै, प्रदेशमा कोरोनामुक्त हुनेको संख्या ५८ हजार ५७४ पुगेको छ।

बुधबार गण्डकीमा थप तीन जनाको मृत्यु पुष्टि भएको छ । आज मृत्यु पुष्टि हुनेमा नवलपुरका एक जना र कास्की पोखरा महानगरपालिकाका दुई जना छन् ।

आज मृत्यु पुष्टि भएकासंगै गण्डकीमा कोरोना संक्रमणका कारण ज्यान गुमाउनेको संख्या १०४१ पुगेको निर्देशनालयले जनाएको छ ।

Pokhara Internet
प्रतिक्रिया
लोड हुँदै ...

छुटाउनुभयो कि ?

साताको ट्रेन्डिङ

पढ्न सिफारिस