आशिष पुरी, पोखरा । ‘मिस नेपाल–२०२२’ खोज्दै आयोजक द हिडन ट्रेजरको टोली पोखरा आएको छ । पोखरामा आइतबार गण्डकी प्रदेशस्तरीय अडिसन हुँदैछ ।
सातै प्रदेशमा अडिसन गर्न लागेको आयोजकले त्यसको सुरुवात पोखराबाट गरेको हो । पोखरामा हुन लागेको अडिसनमा सहभागी हुन शनिबारसम्म आवेदन दिन सकिने आयोजक संस्था द हिडन ट्रेजरका अध्यक्ष दिवाकर राजकर्णिकारले शुक्रबार आयोजित पत्रकार सम्मलेनमा जानकारी दिए ।
उनका अनुसार मिस नेपालमा छनोट हुन १८ वर्षदेखि २७ वर्ष उमेर ननाघेको र कम्तीमा ५ फिट ३ इन्च उचाइ हुनुपर्ने छ । यसअघि उमेर २६ वर्षसम्म र उचाइ ५ फिट ४ इन्च हुनुपर्ने व्यवस्था थियो । त्यस्तै शैक्षिक योग्यता न्यूनतम कक्षा १२ उत्तीर्ण हुनुपर्छ ।
अडिसन पोखरा १८ सेदीस्थित वाटरफ्रन्ट रिसोर्टमा हुनेछ । पोखरापछि धरान, वीरगन्ज, नेपालगञ्ज, सुर्खेत र काठमाडौंमा अडिसन हुने आयोजकले जनाएको छ । ‘मिस नेपाल–२०२२’को फाइनल ४ असारमा ललितपुरको गोदावरीस्थित नवनिर्मित सनराइज कन्भेन्सन सेन्टरमा हुनेछ ।
‘मिस नेपाल–२०२२’का लागि गत सोमबारदेखि अनलाइन आवेदन खुला गरिएको थियो । त्यसमा शुक्रबारसम्म साढे तीन सय जनाको आवेदन परेको अध्यक्ष राजकर्णिकारले बताए ।
यस वर्ष ‘मिस नेपाल वर्ल्ड,’ ‘मिस नेपाल अर्थ’ र ‘मिस नेपाल इन्टरनेसनल’ गरी तीन वटा मुख्य टाइटल रहनेछन् । ‘मिस सुप्रानेसनल’ फ्रेन्चाइजलाई भने निरन्तरता नदिइने आयोजकले जनाएको छ ।
सम्बन्धित खबर
पोखराको लेकसाइडबाट अवैध लागु औषध र नगदसहित ४ जना पक्राउ
पोखरामा हराएको १७ लाख रुपैयाँ फेलापारी सम्बन्धित धनीलाई फिर्ता
पोखराको राष्ट्र बैंक चोकमा स्कार्पियो र हाइस ठोक्किँदा ८ जना पर्यटक घाइते
पत्रकार फणिन्द्र र उनका परिवारलाई धम्की दिने क्षेत्रीलाई कारवाही गर्न माग
एसईईको तयारी पूरा
पोखरा -१५ ठूलीमजुवामा मोटरेबल पुलको शिलान्यास
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग