स्याङ्गजा। मंगोल नेशनल अर्गनाइजेसन (एमएनओ) वालिङ -१३ का अध्यक्ष पदका उम्मेदवार आश बहादुर गुरुङ कार्यकर्ताको टोलीसहित घरदैलो कार्यक्रममा व्यस्त हुन थालेका छन्। आसन्न निर्वाचनलाई लक्षित गर्दै गुरुङले घरदैलो तथा मतदाता भेटघाट कार्यक्रममा व्यस्त हुन थालेका हुन्।
वडावासीसँगको भेटघाटका क्रममा स्थानीयले उम्मेदवार गुरुङसँग यसअघिका जनप्रतिनिधि तथा सरकारले आफूहरुलाई झुक्याउने काम गरेको बताएका छन्। स्थानीयले एमाले, कांग्रेस र माओवादी लगायतका ठूला दललाई पटक-पटक भोट दिएर हेरिसकेको भन्दै अब उनीहरुलाई फेरी भोट दिएर गल्ती नगर्ने वाचा गरेका छन्।
गुरुङले समान अधिकार, मूल बासीको अस्तित्व रक्षा, पहिचान र मूलवासीहरुको आर्थिक, सामाजिक र शैक्षिक हक अधिकारका लागि भन्दै आएपनि आफू निर्वाचित भएको खण्डमा सबै समुदायलाई एकसाथ लिएर अगाडि बढ्ने प्रतिवद्वता व्यक्त गरे। उनले मतदातासँग भने – “मलाई भोट दिनुस्, जितेंभने जनताको सेवामा फर्कन्छु, पराजित भए जनताको समस्या सम्बन्धित निकायमा पुर्याउँछु।”
घरदैलोका क्रममा कतिपय मतदाताले काँग्रेसले देशको नदी नाला बेच्ने काम गरेको र एमाले भष्ट्राचारमा लिप्त बन्दा दुई तिहाईको सरकार भएर पनि ढल्न पुगेको बताउने गरेको उनले सम्झिए।
उनले आफू कमाउनका लागि नभएर अस्तित्वको रक्षा गर्दै एकजुट भएर वर्णभेदी नीतिको खुलेर विरोध गर्दै समग्र वडाको विकास र समृद्धिका लागि राजनीतिमा आएको स्पष्ट पारे। साथै उनले निर्वाचित भएको खण्डमा आफूले पाउने कुनैपनि तलव भत्ता नलिने घोषणा गरिसकेको बताए।
सम्बन्धित खबर
एमालेको सहमतिपछि एकीकृत समाजवादीका सोडारीद्वारा सुदूरपश्चिमको मुख्यमन्त्रीमा दाबी पेस
शाक्य राष्ट्रिय सभा सदस्यमा मनोनीत
मैले ऋण लिएको छैन, जीबी राईका सारा बदमासीको ठेक्का लिनुपर्ने हो ?: रवि
यो समीकरण ढाल्न देशी विदेशी शक्तिहरूले षड्यन्त्र गरिरहेका छन् : ओली
दुई चार सीट ल्याएर सत्ताको च्याँखे थाप्नेको पसल बन्द गरौँ : गोकुल बास्कोटा
गगन थापाको प्रस्ताव: ‘साना दोकान बन्द गरौं, कांग्रेस- एमाले मिलौं’
यो पनि पढौँ
स्याङ्जामा विवाहकै दिन बेहुलाबेहुली पक्राउ
आँखामा राख्दा पनि नबिझाउने ‘बिनोद सर’ अब सम्झनामा
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
बालकुमारीमा मारिएकाका परिवारलाई कोरियाबाट आर्थिक सहयोग