काठमाडौँ । काठमाडौँको खड्कागाउँस्थित सडकखण्डमा दुई समूहबीच भएको झगडामा एक युवकको हत्या प्रकरणमा संलग्न १६ जना पक्राउ परेका छन् ।

चैत ११ गते बेलुका साढे सात बजे पुरानो रिसइबीका कारण दुई पक्षबीच भएको झगडामा दोलखाको मेलुङ गाउँपालिका–४ स्थायी घर भई चन्द्रागिरि नगरपालिका–७ बस्ने २३ वर्षीय अभय (अबे) तामाङको मृत्यु भएको थियो ।

पर्साको सखुवा प्रसौनी गाउँपालिका–१ घर भइ हाल काठमाडौँको नागार्जुन–१०, स्युचाटार बस्ने २१ वर्षीय आशिष श्रेष्ठ समेतका व्यक्तिहरूले धारिलो हतियार तथा फलामको रड प्रहार गरी घाइते बनाएकामा अबेको उपचारको क्रममा मृत्यु भएको हो।

सो घटनामा संलग्न श्रेष्ठसहित धादिङको गल्छी गाउँपालिका–५ का २१ वर्षीय सुजन तामाङ, काठमाडौंको चन्द्रागिरि–१५ बस्ने २७ वर्षीय राज अर्याल, सिन्धुलीको कमलामाई–११ का २० वर्षीय डेनियल विश्वकर्मा, वाग्मती–५, सर्लाहीका २० वर्षीय निश्चल ब्लोन तामाङ, सुनसरीका १९ वर्षीय सुशान श्रेष्ठ, सिद्धलेक गाउँपालिका–७, धादिङका २३ वर्षीय विनय आलेमगर, ताप्ली गाउँपालिका–७ उदयपुरका २१ वर्षीय खेमराजबहादुर मगर, गोरखा गण्डगी गाउँपालिका–१ का २२ वर्षीय रन्जित श्रेष्ठ छन् ।

यसैगरी ताप्ली गाउँपालिका–७, उदयपुरका २० वर्षीय सांगे तामाङ, काठमाडौंको नागार्जुन–९, स्युचाटार बस्ने २५ वर्षीय अजित बुढाथोकी, सोही स्थानकै २५ वर्षीय रोहित खड्का, नवलपरासी पूर्व, देवचुली नगरपालिका–९ का २० वर्षीय प्रवीन झेडी, तनहुँको व्यास नगरपालिका–१० का १९ वर्षीय गौतमकमल जोगी, सुनसरीको धरान उपमहानगरपालिका– ७ का २२ वर्षीय प्रवेश गुरुङ तथा काठमाडौंको दक्षिणकाली नगरपालिका–१ का २२ वर्षीय डेबिड घले रहेका छन् ।

पक्राउ परेका उनीहरुलाई काठमाडौँ जिल्ला अदालतबाट ५ दिन म्याद थप गरी थप अनुसन्धान भईरहेको छ।